10 حاجات أمك مخبياها عنك لازم تعرفهم

كتبت / عزه السيد

1- أمك عيطت بسببك كتير بس انت مشفتهاش ولا مره وكنت فاكر ساعتها أن محدش حاسس بيك

2- أمك بتديلك كل اللى نفسها فيه وهى فرحانه

3- أمك عارفه انك بتحب حبيبتك اكتر منها … ولسه بتحبك برضه اكتر من حبيبتك

4- أمك راقبتك كتير وبصت عليك وانت نايم … بحق وحقيقى مش مشهد في فيلم

5- أمك قلبها اتكسر بجد لما شافتك بتعيط وموجوع … بس ضحكت قدامك عشان تضحكك

6- أمك اتخبطت واتعورت واتلسعت كذا مره وهى بتطبخ لك بس مابينتلكش وكان عندها الأهم أن الأكل هيعجبك ولا لأ

7- بنسبه 90% من احترام قرايبك واعجابهم ليك بسبب الكلام الحلو والمدح اللى بتقوله أمك عنك من وراك قدامهم

8- أمك بتحبك اكتر من أى حد فى الدنيا وممكن كمان اكتر من أبوك

9- أمك مستعده تعمل اللى فوق ده كله 100 مره وتفضل مخبيه عليك

10- أمك مش مستنية مقابل للحاجات دى كلها ولا عايزه تمسك مايك وتقول شوفو يا ناس انا بعمل ايه … أصلها بتحبك عشان بتحبك مش عشان مستنية منك حاجة

أمك هى معنى كل حاجه حلوه فى حياتك ، اللهم احفظ أمهاتنا جميعا وارحم امهات المسلمين اجمعين