هتطبخى ايه النهارده

كتبت: عزه السيد

طبعا أول حاجه بتفكرى فيها اول ما تبدئى يومك هى هتطبخى إيه النهارده، تعالوا نعمل اكله خفيفه، لذيذه، غير مكلفه وكمان جديده

مسقعه بالفريك

فكرت النهاردهِ على سبيل التغيير في طريقة عمل المسقعة بشكل جديد عارفين لو حطينا عليها شوية فريك  هتزيدي من قيمتها الغذائية، وكمان هتلاقي طعمها مختلف تماما عن طعم المسقعه اللى كنتى بتعمليها

المقادير:
2 ثمرة باذنجان مقطع حلقات.

5 ثمرات فلفل أخضر مقطعة نصفين.
ثمرة فلفل أحمر كبيرة مقطعة 4 قطع.
ثمرة فلفل أصفر مقطعة 4 قطع.
بصلة متوسطة مفرومة فرمًا ناعمًا.
4 أكواب عصير طماطم طازج.
كوب فريك.
كوب ماء مغلٍ.
مكعب مرق خضار مفروم.
4 ملاعق كبيرة زيت.
ملعقة كبيرة ثوم.
½ ملعقة صغيرة كمون.
½ ملعقة صغيرة مسحوق الفلفل الحار.
ملح وفلفل أسود.

الطريقة:
انقعي الفريك في الماء لمدة 12 ساعة.
اقلي حلقات الباذنجان في زيت غزير ومغلٍ، ثم الفلفل الأخضر ثم الملّون.
على نار متوسطة، سخني نصف كمية الزيت، ثم أضيفي الثوم ورشة ملح، وقلبي لمدة دقيقتين.
أضيفي عصير الطماطم والملح والفلفل الأسود والكمون وقلبي جيدًا، واتركيه حتى يغلي.
على نار متوسطة، سخني باقي الزيت، ثم أضيفي البصل وقلبيه حتى يذبل.
أضيفي الفريك بعد تصفيته من الماء، وقلبي لمدة 5 دقائق.
أضيفي خليط الطماطم إلى الفريك، ثم غطي القدر واتركيه على نار هادئة لمدة 10 دقائق.
أضيفي كوب الماء ومكعب المرق، وقلبي.
سخني الفرن عند درجة حرارة 180.
في صينية رصي الباذنجان والفلفل الأخضر والملّون، ثم أضيفي الفريك والصلصة.
غطي الصينية بورق فويل، ثم ضعيها في الفرن لمدة 15 – 20 دقيقة.
ودى ممكن تتاكل وحدها وممكن تقدمى معاها طبق مكرونه بالصوص الابيض او بالطريقه العاديه بتاعتك اللذيذه ،وبألف هنا