هنطبخى ايه النهارده….سمك صياديه
كتبت عزه السيد
النهارده هنعمل سمك الصياديه اللذيذ وبطريقة سهلة و بسيطة
سمك بلاميطة او ماكريل فى الفرن
المقادير
سمك بلاميطة حسب عدد اسرتك
بصلة كبيرة مبشورة
بطاطس حلقات
فلفل رومى حلقات
طماطم مقطعة
بقدونس وكسبرة خضراء
فلفل اسمر
ملح
كمون
4 فصوص توم كبار
عصير ليمونة
3 معالق كبار خل
طريقة التحضير

اول حاجة هتشيلى قشر بسيط جدا من عند الراس ومش بيبقى كتير وبتشيلى الزعانف والراس وتفتحيها وتنظفيها من جوة كويس جدا بالملح وغسليها كويس جدا وسيبها تتصفى واول تكة عشان نوصل لطعم جميل وبدون زفارة تماما انقعيها فى مية وخل وليمون وملح ومعلقة دقيق صغيرة نص ساعة وصفيها تانى حتلاقى مفيش دم ولون اللحم ابيض من جوة بعد كدة حنجيب التوم والبقدونس مقطع والكسبرة مقطع وكمون وندقهم كلهم مع بعض ونتبل السمك من جوة ومن الخياشيم وندخلهم التلاجة نص ساعة

وتغطيهم وباقى التبييلى شيلها عشان حنحطها فى الصنيية مع بتاعت السمك وبعد كدة حنجيب صنيية نبشرة بصلة كبيرة ونقطع فصين توم مفرومين وكام عود وكسبرة خضرا ممقطعين وطماطم مقطعة وبطاطس حلقات وفلفل الرومى المقطع ونحط ملح وفلفل ا سمر وكمون ومعلقة خل ومعلقتين زيت ونحط باقى التبيلة السابقة بتاعت السمك ونتبيل كلة فى بعص نجيب صنيية نحط فيهم الخلطة كلهم ونحط مية ونحط السمك على الوش وندخلها الفرن يكون مسخن قبلها وتسيبها لحد لما تستوى وبعدين افتحى الشواية تاخد لون وممكن تقدمى معاها رز صيادين وسلطه والف هنا
