حوار- آية فراج
_الفنان محمود إمام في البداية قولنا تفاصيل عن دورك في مسلسل المداح الذى يعرض حالياً في رمضان ٢٠٢١ وعن موعد ظهورك في المسلسل:
أنا اجسد في مسلسل المداح شخصية “كرم” وهو الذراع الأيمن للفنان محمد أبو داود الذى يعمل دور تاجر ذهب، وأول ظهري كان في الحلقة ال١٢ من المسلسل، ولسه شغلي ماكملش يارب يكمل أنا مستنى يوم التصوير التانى لسه عشان يبقي الدور وضح أكتر للناس.
وعن شغله مع الاستاذ محمد أبو داود قال: مبسوط اوي بشغلي مع الفنان محمد أبو داود وإنى وقفت مع أستاذ كبير وفنان كبير زى أستاذ محمد، استفدت منه جدا وبتمني الدور يكمل.
_ تحب تقول ايه للفنان حماده هلال:
اقول لحماده هلال انت بجد فنان وإنسان بجد مفيش زيه محترم جدا وجدع جدا وطيب جدا وانسان جدا، وأنا ماقبلتش حد زيه قبل كده بصراحة، ربنا يكرمه يارب واتمنى اشتغل معاه دايما.
_هل كنت متوقع أن مسلسل “المداح” يسمع كده مع الناس ويبقي تريند:
لا مكنتش متوقع بصراحة، عارف أن مسلسلات حماده هلال دايما بيبقي ليها جمهور خاص مش بتبقي تريند، لكن العمل ده “المداح” بقى تريند والناس كلها مبسوطة منه، فريق العمل كله محترف ومحترم ومخلص فى شغله عشان كده ربنا كرمهم.
_ ايه اللي شدك في الدور اول ما أتعرض عليك ودى كمان تاني مشاركة ليك مع نفس المخرج تحب تقوله ايه:
هو تفاصيل الدور مش واضحة اوى لان لسه مكملتهوش بس إن اشتغل مع حماده هلال، وإن اشتغل مع استاذ أحمد سمير فرج تانى، وإنه يختارنى لتانى مرة ده كان شرف ليا بصراحة.
_ ايه رأيك في مشاركتك في الدراما الروحانية:
أنا بحب كده جدا اتمنى اشارك فى مسلسلات دينية كتير وتاريخية كمان، دى أمنيتى إن اشتغل دايما فى دينى و تاريخى.
يعرض مسلسل المداح يوميا فى تمام الساعة التاسعة والنصف مساءً علي قناة النهار، والإعادة الأولى لمسلسل المداح الساعة 04:05 صباحاً، والإعادة الثانية لمسلسل المداح فى تمام الساعة 11 صباحاً، والإعادة الثالثة الساعة 4 عصراً، ويعرض على قناة النهار دراما الساعة 10 مساءاً.
ومسلسل المداح من بطولة كلا من: حماده هلال و نسرين طافش وأحمد بدير وخالد سرحان ودنيا عبد العزيز وهادى خفاجة وحنان سليمان ومحمد عز ومحسن منصور وعبير فاروق ومحمد الصاوى وتامر شلتوت وعدد آخر من الفنانين، سيناريو وحوار أمين جمال ووليد أبو المجد وشريف يسرى، وإخراج أحمد سمير فرج.