نقاوة أبي
بقلم :أ.د. نادية حجازي نعمان
دي الوردة إللي على طقمي وشيلاها
جالي طقم وأطقم ودي أحلاها
وأمي الوردة الأولى اللي بابا نقاها
عرفت منها ذوقه …كويس عارفاها
وهي نقاوته ونقاوة جدي لأبويا وصورتها شايلاها
الله عليك وعلى نقاوتك قالوا لي منين جايباها
قلت جدي لوالدي رشحها والكل هناها
الله يرحمه والدي ليا ولأخواتي هداها
يا أحلى أب شافته بنت
و تسلم أيدك وعينك يا جدو وعلى البركة خدناها
ومشت الأمور وعقباها
وفوزنا بيها طول عمرنا
وأيد ما إتمدت عليا اتنين وعشرين سنة سوا عشناها
الملكة ناريمان لو شافتها لقالت ظلمتوها وظلمناها
ماشي يا تيتة لأمي دي هدية وكنتِ صح مِقيماها
الله عليكِ خبيتيها وبابا واحنا كمان خبيناها
عايزة أجيلك يا بابا وكل الدنيا سايباها
يا عشقي يا قلبي يا حنية الدنيا وما علاها
طبطبت عليا حي وميت وإللي عليها كلهم خطواتهم في الرملة شايفاها
يا أحلى أب شافته بنت في الدنيا …
يا عشق نادية وكل نقاوتك عجباها
15 يونيو 2021
