شخابيط…. مستنية اللحظة

بقلم عزه السيد

مستنيه اللحظه اللي هاقول فيها خلاص انا فوقت
كتر التفكير فادني بايه غير اني تعبت
وسواء كان كده او كده كله بيتنسي بالوقت
ف الدنيا انا شوفت بعيني اللي ماشافهوش ولا حد
كان فيه اسئله جوايا لا ليها جواب ولا رد
من ضمنها ليه مابقاش فيه حد يحب بجد
بيا ومن غيري هاتمشي فرحت انا ولا بكيت
مين فاكر ليا إن انا ضحيت وكتير اديت
والله أنا منيسه خلاص مش قادره اقول زي ماحبيته نسيت
ماضحكتش يوم علي نفسي ؤقولت كلام مش فيا
ولا يوم فكرت اتمني حاجات اصلا مش ليا
من وجهة نظري الدنيا دي فعلا جايه عليا
مشكلتي ان انا عايشه بس ده مش زمني ووقتي
وف قلبي حاجات وجعاني وهم كبير فوق طاقتي
ياشايلين الهموم مين شال هموم قدى
لا الدنيا على راحتى ولا كونى كان وردى
شايله هموم الناس ولا حد شال همى
عيشتى كده على طول واهو عمر ويعدى
واهو عمر ويعدى
وسامحني يارب ده كان احساس من ضيقتي