شجاعة ضابط تنقذ أسرة من الغرق في كفر الشيخ

كتبت:عزه السيد

شايفين الضابط ده كان واقف فى كمين على كوبرى فى كفر الشيخ وبعدين لقى عربيه فيها واحده ست وطفلين كسروا سور الكوبرى وسقطوا فى المياه .
يعمل ايه حضرة الضابط يبلغ الانقاذ النهرى او يطلب غواصين او حتى يبلغ قياداته لأ معملش حاجه من دى خالص .
الضابط ده نط وراهم من فوق الكوبرى وانقذ الطفلين وأمهم ونقلهم الى المستشفى لتلقى العلاج .

تمكن النقيب ابراهيم فايد الضابط بمرور كفرالشيخ من إنقاذ اسرة مكونة من ام وطفلين من الموت غرقا بعد سقوط سيارة كانوا يستقلونها من أعلي كوبري الحماد أثناء وجوده علي رأس قوة كمين الطريق الدولي الساحلي بكفرالشيخ.

وقفز الضابط والقوة وسط المياه وتم انقاذ الأم هدي السيد توفيق ونجليها محمد ورغد من الموت المحقق أثناء مصارعتهم الموت وسط المياة وتم انتشالهم من المياه ونقلهم الي المستشفي.

تبين ان الأم كانت تقود السيارة واختلت عجلة القيادة بيديها وسقطت وسط المياه من فوق الكوبري وتولت النيابة التحقيق
مصر لسه بخير.