أراء وقراءات

الأستاذ مبروك…والعلاوة

بقلم /خالدطلب عجلان

 

الأستاذ مبروك موظف الحكومة من سنين على الدرجة…لا محصل أرض ولا بصطة

وفي يوم بلغه المدير بخبر جميل ..يا أستاذ مبروك..مبروك العلاوة..

الأستاذ مبروك مستغرب وفرحان علاوة يا حلاوة

المدير وهتسمع الخبر في الأذاعة..

الأستاذ مبروك متشكرين ياريس ويجعل بيوت المحسنين عمار..لما أروح أبلغ الحمار

الأستاذ مبروك أشترى كام بطيخة يعوض بهم أيام الحرمان والضيقة وكل على النوتة مستني العلاوة

وعدى على الجزار وبتناكة وشياكة وشوية إستكبار زعق يا جزار هات الساطور ولا أقولك هات منشار..
وأوزن نص المعزة وهاتها أمامي على الحمار..بس تستنى العلاوة ..

وعدى على بتاع الخضار هات كوسة وهات فجل وجرجير وكل أنواع الخضار وحملى على الحمار..

وشال الحمار الشيله أكل يكفي عيله …لكن الحمار مش عاجبه الحال..الأستاذ مبروك خليك في حالك يا حمار

الأستاذ مبروك وصل بيته..ونادى يا أم العيال تعالى وهاتى من على القهوة كام شيال..

ينزلوا اللحمة والفاكهة والخضار وحسبيهم من فلوس الأيجار..

مراته مستغربه ومتعجبه منين يامبروك إشتريت

مبروك من العلاوة وكل شهر علاوة ووداعا لأيام الفقر والشقاوة..

وفتح الأستاذ مبروك الراديو مستني بيان الحكومة بالعلاوة..

ساعات مستني الخبر ومراتة قلقت فين الخبر..قالها أصبري..ومراته تدعي إن ييجي خبرهم..تقصد خبر الحكومة

وجه البيان بالعلاوة 20 جنيه وبعد البيان خبر زيادة الأسعار والأستاذ مبروك وقع من طوله لا طايل جنة ولا نار..وقال يا خراب بيتي..ياريتني كنت سمعت كلام الحمار

مقالات ذات صلة

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.