أسهل طريفة لتدميس ألفول فى البيت

كتبت عزه السيد

طبعآ كلنا بنحب الفول المدمس على السحور ولو عاملينه بإيدينا بيبقى اطعم واضمن تعالوا نشوف طريفة تدميس الفول فى البيت

تدميس الفول :
المقادير :ـ
نصف كيلو فول تدميس
(ونختار وأحنا بنشتريه الفول يكون كبير ولونه فاتح ويكون فول مكمور
لما تروحى عند العلاف قوليله عايزة فول تدميس مكمور
واسمه كده علشان هو بيتعرض للحرارة شويه
عشان يعيش وما يبوظ وهو بيكون اغلى من الفول الغير مكمور وطبعا هو فول بلدى)
وده بيكون طعمه أحلى فى التدميس
وممكن تشترى أكياس بس تبصى فيه كويس أحسن ساعات بيبقى (مسوس)
2 ملعقة كبيره عدس أصفر
2 ملعقة كبيره فول مدشوش او أرز
2 ليمونه
الطريقه
ننقع الفول لمده يوم وذلك لنزول المواد الضاره الموجوده به
بعدين تغسليه تانى وتغيري الميا ونضعه على النار فى الدماسه واللى معندهاش مفيش مشكله
تضعه فى حله عادى بس تكون عميقه وغطاها محكم .
حتى يغلى لمده عشر دقائق
وتحطى 3/4 ماء مغلية وبعدين توطى زى الشمعة
ثم نضيف العدس بعد غسله والفول المدشوش( أو الارز) كمان بعد غسله…
ونتركه حتى يغلى لمدة 3 دقائق .
ثم نعصر الليمون والليمون هو اللى ما بيخليش الفول يسود
وكمان نضع القشره بتاعت الليمون أيضا فى الفول
(ممكن ليمونه سليمه بدل القشر
.وقشر الليمون ميخليش طعمه ممرر .
ثم ننقله على أصغر عين فى البوتجاز ونضع تحته الصفيحة بتاعت الارز
ونتركه حوالى من 4 الى 5 ساعات .
وطبعا نتابعه على النار عشان لو الميه قلت نغلى ميه ونضعها عليه
وأوعى تحطيها ساقعه من غير تسخين
أحسن الفول بيتاخر فى السواء وكمان يسود…
وبعد ما يستوى الفول أطفى النار
وأترك الفول يبرد وأضعه فى أكياس نايلون
بكميه مناسبه لعدد أفراد الاسره وعلى الفريزر
لان تدميس نصف كيلو هيكون كميه كبيرة على يوم واحد…