بقلم أ.د.نادية حجازي نعمان
لست متعصبة للاسكندرية ،لكنه مجرد سؤال وجاوب عليه بصراحة مع نفسك . لاقيت إيه !؟
أيوه السؤال كده بالضبط …لاقيت إيه لما اتمشيت على شط اسكندرية؟
بلاش الردود المتعصبة…و بلاش تقولي مثلًا : عادي…أنا بأتمشى على نهر…يابيه: النهر حاجة و البحر حاجة تانية و مش بأتكلم معاك عن أي بحر…بأكلمك عن شط بحر إسكندرية.
البحر بيكون فيه جزء كبير جدًا من المية لكن النهر بيكون عبارة عن جسم رقيق وطويل من الماء. البحر بتكون فيه المياه مالحة جدًا، و تحتوي على المعادن ( يعني حيوية وحياة ) والأنهار عبارة عن مياه عذبة. النهر بيتعرض للفيضان، لكن البحر ما يعملش كده أبدًا ..فدائمًا ما تتبخر مياهه وهذا يجعلها لا تتعرض للفيضان. البحر عمره ما يخدعك و يفيض وعمر البحر ما كان خداع لو ركبته و كنت قبطان شاطر أو سباح شاطر…مش شاطر ما تنطش فيه ولا تركبه .
النهر حاجة والبحر حاجة تانية وبلاش عند بكسر حرف العين وجرب تتمشى على معشوقي شط اسكندرية وابقى قولي حسيت بإيه.
مقدمًا هنيئا لك بالتمشية على شط اسكندرية ومبارك و أوعدك المقال القادم أكلمك عن أحاسيسي عند التمشية على شطي …شط اسكندرية.
٢٠٢١/١١/١٠