نحن من نصنع العقد

 بقلم / دكتور عثمان الخضرجي 

البنات زمان كانت قاعده في البيوت تقول محدش يعرفهم لكن العرسان كانت تخبط علي بيوتهم كل يوم …. الايام دي البنات خرجوا و معروفين لكن مفيش عرسان بقت تخبط علي بيوتهم…. الاحسن أن يستفيدوا من قول الله عز وجل ( وقرن في بيوتكن ولا تبرجن تبرج الجاهليه ) صدق الله العظيم.

اصبح الزواج في ايامنا صعبا بسبب العقد التي تسيطر على طرفي الزواج اي اهل العريس واهل العروس.

– هل سأل كلا الطرفين نفسه عن كمية الكهرباء المستهلكه في كل الاجهزه الكهربائية إللي بيجيبوها ولا نحتاجها كلها .

– هل سأل كلا الطرفين نفسه ليه الفريزر مع التلاجه والعريس و العروسه فقط اللي هيعيشوا في البيت حتي لو جا العيال هل كل دا محتاجينه في اول ١٠ سنين من الزواج ….. دا اللي داخل يزور اما حاقد او ناقد او حاسد .

– ليه نجهز غرف للاطقال والله اعلم حيجوا ام لا .. حتى لما يجيوا ينامون مع امهم لعدة سنين.

يشهد على تكاليف الزواج الباهظة البدعة الجديدة المنتشر في مصر وتسمى ( زفة العفش) اي استعراض جهاز العروس امام الناس للتباهي .

-ليه العروسين تبدأ حياتهم ب القروض و علي ما يسددوا الدين يكون الاكتئاب خيم علي كل متع الحياه الاخري و المشروع اللي بدأ بالدين لازم يخسر في النهايه

يعني لو جبنا كل حاجه قبل الزواج يبقي بعد الزواج لازم نحوش نشتري طياره بقي

وبعدين نلوم علي الحكومات و نعتب علي اهل الدين .

الحل في  فهم وتطبيق القانون النبوي الذي تتمثل في هذا الدعاء  ( اللهم انا نسألك الهدي و التقي و العفاف و الغني )

اي 4 مراحل قبل الغني … كلنا عايزين نعيش ندور الغني قبل  دعاء الله و الهداية والتقوي و العفاف …. دا حتي اللي بيتغني فجأه بيبقي رخيص و يتعالي علي الناس ، لكن الغني بعد العفاف فيه وقار و ادب مع الله ثم الخلق

لازم نفوق …..

طالما فيه مولود يولد ، اذن ما زالت الحياه مستمره و استمرار الحياه يأتي بالرجوع الي الله من وقت لآخر بعد الغفله و ان لم نرجع بأنفسنا فلسوف يسلط الله علينا جنوده من الفيروسات و الزلازل و البرد و الثلوج حتي نفيق من غفلتنا….

لازم تحفيظ القرآن في الكتاب من الصغر تاني

و لازم التليفزيون يفتح بس يوم الاجازه علي المفيد

و لازم تليفون الاولاد يكون مقتصر علي الكلام فقط و لا اي فون ولا اي شيطان

و لازم الاب و الام يصلوا الخمس صلوات

و لازم اذاعة القرآن الكريم تكون شغاله في ركن البيت علي الراديو و مش نمل منها