الزاوية البيضاء وأهلها الطيبين حكاية لا تنتهى
اسنا – الأقصر / حمادة بدران
الزاوية البيضاء حكايتها حكاية .. حكاية لا تنتهى بأهلها الطيبين الذين رحلوا والذين منهم على قيد الحياة . وتحتاج لتسجيل تاريخها ووصف أهلها لعشرات الصفحات بالصحف، وايضا العديد من الكتب والمجلدات . فهي تمثل النسيج الواحد تسمع القرآن الكريم و الترانيم فى الصباح الباكر فى وقت واحد معا وتستنشق روائح البخور الذكية تخرج من المحلات .
وانت ذاهب للعمل او المدرسة تحت سور الكنيسة لا احد يمنع احد ، الكل يسعى على اكل عيشه ، الكل جالس بالخضار والفاكهة ،وفرشة عم قرافة وعم نصر وعم الطاهر رزق بحوار عم سعدالله وصالون عم نشأت و فاكهة عم أبو الريش و طعمية عم مجدى وامامها نحاس عم محمد محروس وبجواره احذية عم ميلاد ، وقبلهم صاغة عم محمد يوسف بجوار ورشة نجارة والدى وشركاه عم عبدالفتاح أبو عنانى وعم رشاد ابو رجيله ، و امامهم محل دقيق الحاج خليفة وانزل تحت صاغة عم حلمي النسر صاحب الابتسامة الجميلة والأسنان الذهبية بجواره معصرة عم بكور لزيت الخس اجمل حاجة على الفول.
ونسعد عندما نسمع صوت تصفيق الأجانب داخل المعصرة وانيهارهم بقوة عم عبدالحميد واشقاؤه عم ناصر وعم منصور وهم بيضغطوا على القلاوظ ويسيل الزيت من فلاتر الخوص على البئر ويشاهد السياح عصر الزيت بالطرق البدائية. ومنهم من يصور ومن يصفق مبسوطين ، وعم عبدالحميد يشرح بالعربي والترجمان يترجم قصة الزيت وفوائده العجيبة ومنها ان تساعد الست الإنجاب اثنين اثنين.
وبعد المعصرة فرن عم عطية والسياح يتفرجوا على الفرن البلدى ياكلوا من العيش الساخن والكل يدوق وبجواره محل عم النون للسجاير ويغير لنا الفلوس المقطوعة باخرى جديدة ومحل عم عبدالسلام أبو زلعه وله حكاية معانا فى كل رمضان نشترى منه العاب التسلية منها السلم والثعبان ولعبة المربعات. وبجواره صاغة عم الخويت و محل عم عندالناصر حسانين وامامه محلات عم منصور الصل واولاده وبجواره سوبر ماركت عم سامى ويفتح لك بعدما يغلق حتى لو فى نص الليل ومحل عم ماهر الريقي واحلى سمن بلدى وورشة عم التايه لتصليح الفزبا والتكتاكة ومحل دقيق عم عبدالسميع ومحل قماش عم الريان والجميع كانوا عايشين فى حب وسلام تجدهم اخوة متحابين أسرة واحدة الجامع بجوار الكنيسة الحاج عبدالرحيم الأنصاري بجوار الحاج متولى حته بجوار الحاج عبدالعظيم النمر أمامهم عم ماهر وعم مخلص والسلعة واحدة والدكان على الدكان والارزاق على الله و الاحترام المتبادل يمنع الخلاف والاختلاف .
وللزاوية مذاق وطعم خاص فى رمضان افران الكنافة البلدى وفاترينة حلويات عم ابراهيم مغازى وطبق المهلبية بالبسبوسة بنص جنيه وامامها فاترينة حلويات عم جمال الحلوانى مشبك وقطايف وكنافة وبسبوسة وبقالة عم على حباتر يفتح بعد صلاة الفجر و امامه عم عكاشة الفول بأنواعه وايضا الشامى حتى لو عايز قناديل والحمص والعيش البلدى وبقالة عم الطاهر الحضرى بجواره والارزاق على الله ومحل عم الطواب ومحل عم فارس للقماش وبقالة عم جلال جملة وقطاعي وبجواره بقالة عم الريقي عم ربيع واخيه وعم عبدالباسط و محل عم عبدالنعيم و عم شرف و عم محمود للشبك والسنار ومكوة الرجل عم فوزى وتنجيد عم أحمد خضرى وخردوات عم عبدالمنعم ودقيق ال ياسين و جزارة عم الازلى و بجواره عم سليم وايضا فرشة عم الحاوى الذى كان يعشق فريد شوقى و شريكه ابو علام وايضا تحت جدار الجامع باعة البلح والمانجة فى الصباح الباكر وبطيخ عم جريو على العلام وتحت شجرة الزاوية فاترينة عم جاد بعد الفجر القهوة والجوزة وورشة عم خير واحتفاله كل عام ويذبح الزبيحة ويدعو أهل المنطقة على الغذاء وكانت البركة تملأ المكان وبقالة عم رسمي عبد الصبور ومحل لمبات جاز حاج ناصر وبرسبم عم فراج وعم عاشور وعم مسعود وشريكه عم حسن احلى خضار كمان وكل اثنين شركاه كأنهم إخوان وبجوارهم عم عبدالسلام اجمل فاكهة وتنقى كمان وعلى يمينه فرشة بطيخ عم نصر وامامه محل عم عبدالسلام لتصليح الميكرفونات وبجواره بقالة عم الجيلانى و فرشة خضار عم المترجم بصل أخضر وجرجير وليمون وفول عم رضوان فى الصبح وبعد العصر كمان وفرشة خضار عم جمال وفرن كنافة عم حمادة الحظ و طعمية شقبقه الناظر كمال الكل ياكل اللى معاه واللى مش معاه وامام الزاوية مكتبة عم جابر جبريل وبجواره عم عبد الرسول للغلال والبقوليات و محل عم صلاح ومحل عم عبدالسميع وشمام عم محمد عبدالله وفول سودانى عم عليش ومحل تنجيد عم عدوى كمان وعطارة الحاج مختار ومن بعده الحاج سعد و صالون الحاج مرتضي ولا ننسي عطارة عم لملوم ومحلات عم عبدالفتاح الكر ومحل احذية عم حسن وجزارة عم ابو رومانة وعم البيومي ونحاس عم الزعيم وعم عبد السميع محل عم عبد العظيم وعرضه الجميل للسديرى ويجذب انظار السائحين وعم شاكر الكرم وعم ياسين وعم عبد الخالق النقلي وعم عبدالسميع شنفير ووالده حاج عبدالسلام مرسي وعم امين دائما الصلاة على رسول الله وفاكهة عم محمد عيسى وشادر الخضروات ال المترجم وال الواصلي وختوم الحاج عبده معوض ومطعم سمك عم خضرى ومطعم عم عبدالسلام ومقهى عم الدويحي و مقهى عم سرور ومقهى عم فكرى وبقالة عم ربيع قمر وابنه عم عدلى وبقالة عم عبدالرضي حمادة وابنه عم مختار وبقالة عم عباس عارف والسمنة البلدى بنص جنيه يفطروا بها مع الفول وبقالة عم عبد الغنى آغا ومحل عم عبد الغنى جبريل وعم صلاح وعم صبحي ومحل عم سيف آغا ومحل عم طلبة وعم عبداللطيف زنط ومحل عم عبداللطيف قطم ومطعم فول وطعمية عم النوبي وعم عبدالعزيز ومطعم عم محمود مغازى خلف الجامع الكبير ومطعم عم عبده وأجمل ورقة لحمة فى الفرن وبالصلصلة كمان ومحل السلاح لعم محمد مغازى ومحل بن عم النوبي ومحل عم يوسف كشك لبيع الزيت ومحل عم رشيدى حته وابنه عم محروس ومحل عم جاد عباس أمام سيدى الضوى والاحتفال كان ثلاث ايام العيد حضرة وذكر بقيادة المرحوم عبداللطيف أبو وارث وايضا الاحتفال بمولد سيدى النوبي الهوارى.
وعذرا لمن سقط منا سهوا
