كتبت / عزه السيد
– اوعى تغسلي الخضرة بعد ماتقطعيها لانها هتفقد نص الفيتامينات اللي جواها أغسل الاول وبعدين قطعيها
– اوعى تغطي الحلة كلها وانتي بتطبخي لأن الخضار هيتأكسد ويغمق لونه
– اوعى تطبخى الخضار مده كبيرة عالنار خلي تسويته مظبوطة عشان تحتفظى بفوائده
– اوعى تقطعي الفواكه أو الخضار قطع صغيرة لأن الفوائد بتاعتها هتقل قطعيها بحجم كبير هتبقى مفيدة للصحة والاسنان
– اوعى وانتي بتطبخي خضار مجمد تحطيه في الحله على النار على طول لازم تحطيه في التلاجه شوية عشان ثلجه يذوب كده هتحافظي علي قيمته الغذائيه أكتر
– اوعي تحطي ملح علي السلطه قبل الاكل بفترة كبيرة لأنه هيخلي الخضار يذبل وينزل مايته حطيه قبل الأكل علطول
– اوعي وانتي بتطبخي الباميه أو الفاصوليا الخضراء توطي النار خليها علي نار عالية في الأول تغلي غلوتين وبعدين وطي النار
عشان متسودش