هنطبخ إيه النهاردة

هتطبخى إيه النهاردة.. البيتزا

كتبت / عزه السيد

 

البيتزا

دا النوع اللي اغلب الناس ما يعرفهوش وكمان في مصر مش مشهور مع انك لو جربته هتعرف انك ما كنتش بتآكل بيتزا قبل كدا

المكونات:

٢كوب دقيق
معلقتين زبده كبار او سمنه او زيت زيتون او زيت عادي
٣معالق سكر كبار
معلقتين لبن بودره كبار
رشة ملح
رشة فانيليا

معالقتين خميره كبار
كوب دقيق سيمد اللي هو بتاع البسبوسه
دي المكونات والسميد دا هو اللي بيعمل الفرق في الطعم
الطريقه:

باقي الخطواط بقا إنتوا عارفيها لانكم عملتوا البيتزا مليون مره مش لازم اشرح
نضيف كل المكونات علي بعضها محدش يقولي السكر مع الخميره في ميه
نضيف كله علي بعضه ونضيف الميه واحده واحده لغاية ما العجينه تتماسك
نخلص ونقطع العجينه قطع علي حسب انت عايز كام بيتزايه وتلف القطع دي. وتخليها تخمر ١٠دقايق وهيا ملفوفة
بعد كدا نفردها ولا تكون سميكه ولا رقيقه
تخلص وتدهن الصلصه وتكون محهز الحشو
فلفل وطماطم وزيتون وجبنه ميوزيريلا وممكن معاها رومي مبشور
نخلص ونسيبها تخمر لما تلاقيها خمرت تكون رفعت الحراره علي ٢٥٠ وتدخل. ممكن ما تحطش الجبنه في الاول وتحطها قبل ما تستوي بشويه
صلصة البيتزا..
المقادير:

3 حبات طماطم مقشرة ومقطعة قطعاً صغيرةً.
2 ملعقة كبيرة صلصه
ربع كوب ماء دافئ.
1 بصلة صغيرة مقطعةً قطعاً صغيرةً جداً.
1 سن ثوم مهروس.
1 ملعقة صغيرة سكر.
1 ملعقة صغيرة ملح.
ربع ملعقة شطه
ربع ملعقة صغيرة فلفل أسود.
3 ملاعق صغيرة زيت زيتون.
طريقة التحضير:
نقلي البصل والثوم بزيت الزيتون على نار هادئة ثم نضيف باقي المكونات وتترك على نار هاديه لمدة عشر دقائق ثم ترفع عن النار.
نخلط جميع المكونات مع بعضها جيداً ونتركها قليلاً حتى تتماسك ثم نقوم باستخدامها.

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.