الاسرة والطفل

هتطبخى ايه النهارد…شاورمة الفراخ فى السيخ

كتبت عزه السيد

هتطبخى أية النهاردة

ان شاء النهاردة حقدملكم طريقة عمل الشاورمة ف السيخ
طلعت سهلة انا لاقيتها و دى تحربتى
بتجيبي البصلة تكون مفلطحة بحيث تحطيها عالصينية تبقى ثابته
لو البصل عندك مدور شيلى جزء من تحت و خليها مستوية
ثبتى فيها بئة 4 اعواد خشب بتوع الشيش طاووك
و انزلى بئة بالفراخ الفيليه اللي حطتيها ف تتبيلة من بالليل
نزليها ف الاربع اعواد فوق بعض زى الصورة كدة
التتبيلة بتاعة الشاورما ( زبادى و خل و لمون و بهارات شاورمة عند العطار لو عندك حبهان يبقى جميل مفيش مش مشكلة و ملح و فلفل و فصين توم مدقوقين و بصلة مبشورة على الكيلو فراخ فيليه )
كل ده من بالليل للصبح
تانى يوم حتعمليها بئة زى ما شرحت
تغلفيها بكيس شوى بتاع الفرن
ما عندكيش يبقى ورق زبدة او ورق فويل
و يفضل ورق زبدة فوقه ورق فويل صحيا احسن
حطيها ف صينية على درجة حرارة 200 حتاخد نص ساعة لحد لما تستوى تشيلى الورق من عليها
شغلى الشواية تاخد لون من كل الجوانب
طلعيها بئة و قطعى و اعملى سندويتشات
او فتة شاورمة
التومية نزلتها قبل كدة :
2 معلقة نشا ندوبها ف كوب ماء بارد تدوب كويس جدااا ننزلها ف طبق عالنار متوسطة و تقلب بالشوكة بسرعة حتبقى شفافة و قوامها سميك خلاص طفى عليها تبرد شوية
حطيها ف الخلاط مع فصين توم مدقوقين و 2 معلقة كبيرة مايونيز
و معلقة صغيرة لمون
بالمرة بئة :
عيش الشاورما
3 كوب دقيق
ماء للعجن
2 معلقة زيت
نص معلقة كبيرة خميرة فورية ندوبها ف شوية ماء دافىء و معلقة صغيرة سكر عشان تشتغل

معلقه ملح صغيره

نعجنها كويس جداااا و تسيبه يخمر ساعة او ساعتين
و نفرده رقيق اوووى
و نسويه على صاج مدهون زيت او على طاسة تيفال
وبألف هنا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.