طالب يستغيث ويناشد وسائل الإعلام فى مصر

كتبت غاده فاروق

( استغاثه)
من الطالب/ احمد محمد عبدالمنعم الصف الثاني معهد فني صناعي الزقازيق
الطالب /خالد عبدالفتاح لطفي محمود الصف الثاني معهد فني صناعي الزقازيق
الطالبه/شروق السيد دبلوم زراعه 3 سنوات كفر الشيخ
وباقي طلاب الدبلومات والمعاهد الفنيه ايضا

انا بناشد كل وسائل الاعلام فى مصر
ياريت حضراتكم توصلوا صوتنا لوزير التعليم العالي احنا طلبة الدبلومات والمعاهد الفنيه بصراحه التنسيق جه السنه اللي فاتت عالى اوى عن كل السنين اللى فاتت ومفيش اى اهتمام من الوزاره ولا حتى عايزه تحاول انها تحل مشكلتنا وهو مش بردو الوزاره اللى قالت التعليم الفنى نهضة للمجتمع طب ازاى وهما رمونا اخر حاجه فى التنسيق وخلونا بعد الثانويه العامه والشهادات المعادله وال ig والشهادات الازهريه لغاية ما اكتفوا بامكانهم فى الكليات وخلونا احنا كماله عدد فى الاخر وعلو علينا التنسيق احنا اهو اتعلمنا وهما اللى قضو على حلمنا نقول ايه للاجيال اللى جايه نقولهم اقتلو حلمكم بإيدكم قبل مايصحو ويلاقو الواقع حاجه تانيه وع فكره والله العظيم اغلبيتنا بنفكر نسافر ونسيب البلد دى اللى حقنا ضايع فيها ومحدش عاملنا اهتمام خالص وبنطالب سياده الوزير بذياده عدد مقاعد الدبلومات والمعاهد الفنيه في الجامعات كان زمان اللي بيجيب ٧٥٪ بيدخل كليه من ٥سنين
هما غيروا النظام علشان الجامعات الخاصه تشتغل

اتقدم اليكم اليوم باسمي وباسم طلاب الدبلومات الفنيه بسبب سوء النتيجه والظلم الذي حدث بها ولاكن نرجو من سيادتكم ان توصلو اصواتنا الي الساده المسؤلين بان طلبه التعليم الفني ليسو فشله بان لهم الاحقيه في معظم الكليات مثل طلبه الثانويه العامه طالب الثانويه العامه الذي ينجح من الدور الثاني يدخل كليات مثل التجاره والحقوق وهكذا وطالب التعليم الفني الحاصل ع مجموع 90% لايدخل اي كليه فا هناك ظلم فا نطلب من سياده الوزير بوضع بعض الكليات لطلبه الدبلومات والمعاهد الفنيه ونزول التنسيق عن العام الماضي لان بعض الطلاب لم يدخلون اي شئ بسبب ارتفاع التنسيق. ونطالبه بذياده نسبه دخول الطلاب الجامعه من 10% الي 20%
ولكم جزيل الشكر
طلبهالدبلوممشفشله
لالتنسيقالدبلوماتوالمعاهدالفنيهالتنسيقلازمينزل