المجتمع

بريد القراء

 

 

كتبت: أميره حسن

جاءتنا هذه الرسالة منالسيدة/ ع – م – ش
بتقول فيها:
تزوجت وعمري 16 سنة ، من اربع سنوات، وأهلى علي أد حالهم ، تزوجت فى بيت عيلة ، ولكن المحروس زوجى العزيز، ماعندوش شخصية، اهلة هما المتحكمين فيه، يمين شمال ، بيقولهم تمام، ومهمل فيا،ويكبرنى – بأكثر من 13 عام،شغالة فى بيت اهلة مرمطون، مش بصعب عليه، ولا علي اى حد فى البيت،

وبدأت مشكلتى عندما ذهبت مع حماتى إلي فرح أحد الأقارب ، وفوجئت حماتى بناس من الموجودين فى الفرح بيطلبونى منها للزواج ، لأنهم كانو فاكرين لانى مش متزوجة لانى شكلى صغير ، وعلي قدر كبير من الجمال،

بالرغم انى أنجبت من زوجى ولد، وطبعا حصل موضوع ان الناس تطلبنى للزواج من حماتى ، أكثر من مرة، وابتدى زوجى ،يغير عليها ويحبسنى فى البيت، ويقفل- باب وشباك، ومانعنى من الخروج، لوحدى او مع حتى حماتى،

أصبح يعاملنى -معاملة وحشة، ضرب وشتيمة واهانة، أصبحت حياتى بائسة، رحت لبيت اهلى ، اشتكى- واطلب منهم إنهم يساغدونى ع انى أطلق ، ولكنهم رفضوا- وقالولى احنا مش هانصرف ع أولاد ناس غريبة، لو مصرة علي الطلاق سيبى ابنك لابوه واهله-

وماقدرتش اعمل كدة، واسيب ابنى لابوه ، ورجعت وانا ببكى وحزينة ع حالى، وقلبى بيتحرق كل ماافكر ان أترك ابنى فلذة كبدى وقطعة من قلبى إلى اهل ابوه،فكرت انى أهرب بابنى، إلى ى بلد بعيدة، واشتغل واصرف ع ابنى ،

والحمد لله انا بتقى الله فى نفسى ، وقريبة من ربنا، بس مش قادرة اتحمل معاملة الرجل عديم الشخصية، اللى بيعاملنى أسوأ معاملة هو واهلة، وبيحاسبنى علي حاجات ماليش يد فيها، أخذ ابنى واهرب، ولا اعمل ايه؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.