كارثة أخلاقية بالمدرسه المصريه للغات بالنزهه إغتصاب ٣ أطفال فى Kg2
كتبت عزه السيد
عندما نتحدث عن الكارثة الأخلاقية التى حدثت بالمدرسه المصريه للغات بالنزهه لا نجد كلمات ممكن أن تعبر عن هول ما حدث لنتعرف اولا على هذه الجريمة ممن عاصروها
فقد جاء إلى وضوح هذه الإستغاثة لتوصيلها لمن بيده إمكانية التصرف قبل أن تنقلب الحكايه إلى مجزرة
وهذا نص الرساله
“فی مدرسه اخویا الصغیر , فی میدان الحجاز إداره النزهه محافظه القاهره
مدرسه : المصریه الجدیده لغات
Kg2 طفل من الأطفال في المدرسه منهم مامتوا لاحظت حاجات غريبه في و فى تصرفاته مش عايز يدخل الحمام متوتر. خايف و قلقان و الطفل مش علي طبيعتوا !
اتكلمت معاه و لاحظوا ان فى كذا طفل بنفس الحاله و من فصل واحد و اكتشفوا في الاخر ان مدير المدرسه بيغتصب الاطفال!! متخيلين الكارثه ؟
اللى حصل أن مدير المدرسة اغتصب وهتك عرض ٣ من اطفال المدرسة فى رياض الاطفال kg2(ولد وبنتين)
و كمان الحيوان بيمارس جريمته في كل طفل بحضور الطفلين التانيين
عارف يعني ايه ابنك او بنتك. رايح المدرسه زي الفل رايحين يتعلموا و يدرسوا و مدخلهم مدرسه خاصه دافع فيها 10,000 عشان ابنك يُغتصب و يبقي معقد نفسيا و يعيش حياتوا غير متزن !!
طبعا الاهالي مسكتتش و طلعو علي المدرسه و المدير مكنش راضي يطلع و المدرسين كانو بيدفعوا عنه ! اولياء الامور جابو بلطجيه و كسروا الباب و جابوا المدير و خدوه علي القسم
و الاطفال شافوه في القسم و قالوا اه هو ده العمل فينا كده !
و بعدها علي جروب اولياء الامور بتاع المدرسه
اتبعت صورتوا و اولياء الامور فصل kg1 e بدأوا يسالوا اولادهم تعرفوا الراجل ده ؟
و كانت الصدمه ان رد الاطفال : اه يا ماما ده مدرب الكارتيه بتاع المدرسه كان بياخدنا تحت في أوضه يقلعنا هدومنا و يقلع و يقفل علينا و يقولينا ان الكرتيه بيتلعب كده و اقلعوا و عشان هدومكوا متتوسخش!!!
یعنی ده کده فی اغتصاب 3 اطفال من kg2 و تحرش بفصل كامل kg1 !!
طبعا بعد متسلم للقسم رحنا نشوف إيه الحصل نتفاجئ ان واحد دخلوه مکانه یعترف و أکید دفعولوا فلوس عشان المدیر یطلع کانه معملش حاجه !!
قولنا طب بالنسبه ل شهادة الاطفال و کان الرد شهادت الاطفال لا تعتمد !! شهاده 3 اطفال مختصبین و فصل کامل علی نفس الشخص لا تعتمد !!
و طبعا أمی راحت طلبت من المدرسه سحب فلوسها و التحویل لان ده واحد هیخرج ببراءه و هیکرر اللى عملوا تانی من غیر خوف و زی مادخل علی فصول تانیه هيدخل علی فصل اخویا ! قالولها ماشي بس هتخدي 5% او 10% من المصاريف بس!!
إنتو متخيلين إحنا وصلنا لحد فين !!
وبسؤال أولياء أمور الطلاب كيف علمو بالأمر قالوا إنهم لاحظوا تغيّر سلوك أبنائهم، وبالكشف عنهم تبيّن وجود جروح بمنطقة الشرج وتعرّضهم لاعتداء جنسي.
وأفادت والدة أحد التلاميذ بأنها لاحظت تغيرا على سلوك ابنها وإصابته بالتهابات فى منطقة الشرج، وبالكشف عليه تبين تعرضه للاعتداء الجنسى.
وكشفت أن ابنها أخبرها بأن مدير المدرسة اعتدى عليه جنسيا.
وحكى أحد أولياء الأمور تفاصيل الحادث: “تم اكتشاف الحالة عند وجود مشكلة صحية لطفل عند التبرز، وبعد ما تم كشف عليه من خلال طبيب، تم التأكد بأنه الطفل وقع له اعتداء جنسى
ومازال_التحقيق جارى لاظهار الحقیقه”
كان هذا توضيح مباشر وبسيط وتلقائى ممن يعانون من مأساة إغتصاب ابنائهم أطفال الروضه
أما بالنسبة لوزارة التربية والتعليم فهذه أخر تصريحات صدرت منها بهذا الشأن
فقد أكد أحمد خيري، المتحدث الرسمي لوزارة التربية والتعليم والتعليم الفني، أن لجنة الشؤون القانونية مازالت تحقق مع جميع الأطراف المعنية بشأن واقعة تحرش مدير المدرسة المصرية للغات بالنزهة بـ3 أطفال في مرحلة الروضة.
وأشار “خيري”، الى أن الوزارة لم تستقبل حتي الآن أي نتائج عن الواقعة من الطب الشرعي، مضيفا أن مديرية التعليم بالقاهرة لم تستلم هي الأخرى حتى الآن أي تقارير من الطب الشرعي عن الواقعة.
وكان “خيري”، أعلن أمسالاربعاء ١ نوفمبر ٢٠١٧، أنه تم وضع المدرسة المصرية للغات بالنزهة تحت الإشراف المالي والإدارى للوزارة، واتخاذ كافة الإجراءات الاحترازية لضمان سلامة التلاميذ، وذلك بعد الإبلاغ عن واقعة تعرض 3 تلاميذ للاعتداء والتحرش بالمدرسة.
