مخدر (الفلاكا) يحول الإنسان إلى أكل لحوم البشر(زومبى)

كتبت: ياسمين يحيى

شوفوا وصلنا لأى حد ؟ واحد قتل أخوه و أكل
أحشاءه وأعضائه فى كفر الشيخ تحول
لزومبى بسبب المخدر الفلوكا الذي يباع
هنا فى مصر القصة الكاملة

هو كان رايح يصطاد و واخد اخوه معاه
وكان معاه مقص من البيت عندهم وخد
أخوه في مكان فاضي وقتله
بالمقص واكل الكبد ولحم جسمه وبعد
كده طلع علي الطريق قدام شويه في
مكان في حراس داخل عليهم وقالهم انا
اكلت لحم اخويا وطبعاً هدومه و وشه
وايده كلها دم وسنانه فيها قطع لحم كانو
اتنين خدو وراحو مكان ماخدهم شافوا
الجثه طبعاً بلغو جات الشرطه اخدت
الولد وصورو الجثه وتم دفن القتيل مساء
والتاني اتحبس وابوه بيقول مريض
نفسي وبيتعالج بقالو سنه ونص
علشان يخرج من القضيه

فكره عن “مخدر الفلاكا ”
“الفلاكا” أو “الزومبي” أو “الجرافيل”
اسماء كتير بتطلق علي المركب الكيميائي
“Alpha-PVP”
الموضوع مش هزار و المركب مميت ..
بيتم تصنيعه في الصين و اندونيسيا و انتشر جدا في امريكا و البرازيل و مؤخراً السعودية و مصر بكمية قليلة ..
رخيص جداً و تأثيره ١٠ اضعاف الهيروين و بيتاخد بـ أي وسيلة سواء حقن أو شم أو تبخير أو أكل أو خلطه بأي مشروب كمان ..

المخدر ده بيعمل ايه ؟
بيرفع درجة حرارة الجسم فجأة لدرجة تخليك تتمنى تخلع جلدك لو أمكن ..
و بيدخل مباشرة علي الغدة النخامية و بيأثر علي النواقل العصبية !
“دي الغدة المسئولة علي العقل الواعي و الادراك في المخ”
تأثير المخدر بيفقدك السيطرة تماماً علي نفسك و بيدخلك في حالة اللاوعي العدواني ..

ده غير انه بيأثر علي الدوبامين بشكل مباشر و بيزود نسبته ب سرعه رهيبه اكتر من اللازم لدرجة إنه بيترسب في المخ ..

“الدوبامين مادة كيميائية بيفزرها المخ مسئولة عن انتقال الاشارات العصبية لتحريك جسم الانسان .. و احساسه بالسعادة و النشوة”

ف لما بيزيد عن الحد الاقصي و الجسم مابيقدرش يتخلص منه بسبب المخدر ده بيؤدي لهلوسه شديدة و خرف و نشاط حركي جنوني مفاجئ و فقدان السيطرة تماما علي الجهاز العصبي .. و بيبقا الانسان شبه الزومبي مش حاسس اي حاجة ..
ميت بس حي!

-معظم مدمنين الفلاكا لما بيرجعوا لـ حالتهم الطبيعية يا بينتحروا نتيجة الاكتئاب بسبب نقص معدل الدوبامين ..
يا بيتجننوا بسبب خلل في نشاط الغدة النخامية أو ان مخهم ماقدرش يرجع زي الأول ..
يا بيموتوا بسبب توقف وظايف الكلي او تدهور وظايف الجسم عموماً ..

السؤال هنا !
ليه الدول مستمره في تصنيعه؟؟؟؟
خدو بالكم من ولادكم وحافظوا عليهم
احنا بنعيش اخطر ايام الرعب بقا فكل
بيوتنا ربنا يحفظ اولادنا واولادكم