أراء وقراءات
الأمان وبس.
كتبت: ياسمين يحي
الأمان مش فلوس ومصاريف وهدايا و فسح .. ولا هو كلام و وعود كتير الأمان أكبر من كل ده بمراحل .. وفي نفس الوقت أبسط من كل ده الأمان إنها تبقى عارفة إنك هتفضل موجود .. إنك جنبها وقت ما تحتاجك تلاقيك إنها وقت ما تختلف معاك تتكلم وهي عارفة إنك مش هتفهمها غلط .،
و مهما وصل إلاختلاف تبقى عارفه و مطمنة إنك معاها .. أن مفيش كلام هيتقال يجرحها .. أن فى الاخر ده مجرد خلاف وهيروح لحاله و برضو أنتو مكملين.،
الأمان هو إنها متبقاش خايفة تقول اللي جواها علشان ماتزعلكش و تلاقيك فجأة بقيت شخص تاني وتتحول وكأن كل اللي بينكم لم يكن إنها تبقى متأكدة أنو مهما كنتو زعلانين مع بعض مجرد ما تحتاجلك هتكون موجود من قبل ما هي تطلب ده إنها متحسش أن علاقتكو على كف عفريت وتبقى دايما بتحاول بكل الطرق إنها تسند الكف ده .، عشان مايميلش .،
الأمان إنها تبقى عارفة إنك واثق فيها وفى تفكيرها .. … إنها تبقى قاعدة متطمنة وعارفة إنك موجود وراها الأمان يعني نظرة عين بتقول أناهنا .. أنا موجودعلشانك .،
الأمان مش نحنة .. ولاكلام حلو .. ولا رومانسية فارغة الأمان حياة .. ثقة .. تفاهم .. إرتياح .. أفعال .. إحتواء .. إنك تحسسها بالأمان أهم مليون مرة من إنك تقولها كلام حب .،
الأمان والإحتواء أعظم إحساس ممكن تحسه الست من ناحيتك .. بيخليها تبيع الدنيا كله عشانك ولا يهمها في الدنيا غيرك وغير راحتك ..،
الأمان هو ترمومترالعلاقة جوا قلب الست وعقلها كمان .. وهو الفارق الأقوى بالنسبالها في تقييم العلاقة .. طول ماهي متطمنة هتكمل .. واول ما تبدأ تخاف بتبدأ تبعد لو حست بالأمان مع الراجل اللي فى حياتها خلاص كده خلصت يبقى ملك كل ما فيها قلبها وعقلها وكيانها كله حسسها بأنك راجل ليها .. وعليها و معاها حسسها بالأمان وهي هتعيش حولك فى اروع صوره…
