طلع النهار.

بقلم  ا. د/نادية حجازي نعمان

قالوا لي النهار طلع
قلت أبص م الشباك
يمكن يكون طلع
وألاقي ناس هنا وهناك
لاقيت الناس بتجري متكهربة
بيجروا حتى ع السلالم الكهربة
فاضل يتشقلبوا شقلبة
أنا عايزه بس أجوبة
تزيح من أدامي الأتربة
وأشوف وأبقى مستوعبة
هما بيجروا ليه ؟
واللي وراهم إيه ؟
أنا أعرف السعي
وهو مش بالجري
هوه الجري حيجيبه !
وياخد كل واحد نصيبه !
مش حيكون لك إلا رزقك
المقسوم والمكتوب لك
ومش حتموت من غير ماتاخده
وحتاخده بسعيك وبالتوكل وحده