آراء وقراءت

خلي إللي يتكلم يتكلم

اعلان

كتبت /عزه السيد 

الحكاية دي عجبتني اوي أول ما قرأتها تذكرت الكثير من المواقف التي مررت بها، وإني لو كنت خليت كلام الناس يوجههني كنت خسرت كتير،
نسمع الحكاية علشان تفهمو قصدي
واحد راح يخطب بنت سأل عليها جيرانها قالوله مش كويسة، مشى وهو زعلان جدا
لأن البنت دى كانت عاجباه جدا وبيحبها
وفجأة عدى عليه راجل كبير فى السن قاله مالك وشك حزين كده ومتضايق، الشاب حكي للراجل الكبير على اللي حصل معاه
الراجل الكبير فى السن قاله ما تزعلش وهاجوزك بنتى بس قبل ماتتجوزها اسال عليها علشان تكون متطمن، المهم الشاب راح سأل على البنت الناس قالوله دى مش كويسة الشاب مشى زعلان برضه ومتضايق قوى، الشاب راح للعجوز وقاله سألت على بنتك وبصراحة قالولي عليها كلام مش كويس
العجوز قال للشاب يعنى أنت سألت على بنتى؟
قاله سألت عليها وقالولى مش تمام المهم الراجل العجوز قاله طيب تعالى معايا لغاية البيت الشاب راح معاه ودخل معاه وقاله شوف انا عايش لوحدي وماعنديش بنات أصلا الشاب اتفاجأ
قاله ما تاخدش على كلام الناس عشان فى يوم ماتظلمش حد .
وهنا خلصت الحكاية واللي عايزه اقوله لكم
سيبو اللى يتكلم يتكلم كده كده الناس بتتكلم
ومتخلوش كلام الناس يؤثر  في قراراتكم لازم تتأكدو بنفسكم علشان متظلموش حد وترجعو تندمو على قرارات اخدتوها نتيجة السمع بس
بسم الله الرحمن الرحيم
(يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ)
صدق الله العظيم
الوسوم
اعلان

مقالات ذات صلة

اترك رد

زر الذهاب إلى الأعلى
إغلاق