احدث الاخبار
شمس الضهرية ساعة المغربية.
بقلم. ا. د/نادية حجازي نعمان
الحرارة عالية وعرفناها
مش مُحتَملة وعشناها
نار حامية واتحملناها
نزلت أتمشي ساعة المغربية
الوقت اللى بامشى فيه بأريحية
ماخدتش نضارتي الشمسية
لاقيت ظاهرة مش طبيعية
خيالي عمره ماوصل لها
ده إحنا ف إسكندرية
معقول الشمس ف المغربية
محتاجة نضارة شمسية
ألطف يارب بينا
ف الدنيا دِيه
بس حتفضل إسكندرية
هي إسكندرية
مدينة هدية
وبينا وبينها علاقة غرامية
حتى لو بقت شمسها
شمس الضهرية
ساعة المغربية
