من القلب للقلب .. باب الحياة

بقلم/أمل الوكيل

لما تخطر في بالك فكره امشي فيها للآخر ..
مهما كانت مستحيله ..

لما يتفتح قدامك باب امشي فيه..
ما تسبهوش و تمشي ..
ما تتجاهلوش..
هو اتفتح في الوقت ده لسبب ..
و اتفتح ليك انت تحديدا لسبب ..
عمرك ما هتعرف ليه الا اذا دخلت فيه ..
سمي و ادخل ..
ادخل بقلب جامد ..
ادخل بإقبال ..
ادخل بحواس و عيون و افكار مفتوحه ..
ما تخافش ..
ما تكسلش ..
ما تسألش ..
لانك ببساطه ماتعرفش الباب ده وراه حتلاقي كام باب مفتوح ..
كام فرصه موجوده ..

كل طريق و ليه باب ..
و من باب لباب الاحتمالات بتوسع ..
و الفرص بتزيد ..

و هي الحياه ايه غير شويه فرص و احتمالات وًابواب ورا بعض