مستحيل مهما اتعاطفت
او قلبك اتوجع في يوم انك تحس
بقلب أم بيتعصر
ولازم تبتسم لعيون ملاها الخوف
وتضم قلب بيتوجع مع كل كلمة آه
ماما امتى هاموت؟
حروف بسيطة منسوجة
رماها قلب عصفور بريئ
لكنه خنجر بالزعاف مسموم
واستقر ف قلب أم حابسه نزف العيون
كيانها بيدوب من عجز المستحيل
وبنور عيونها اللي انطفى لازم تفديه
وتدبح بإيدها وجع الآه قربان وتمحيه
آ…ه
حرفين فيهم كل الوجع
فيهم عجز وكسرة قلب
ضعف وقلة حيلة
فيهم كركبة وبركان
لقلب أم بينهار
لما الضنى يقول آه