الفن والثقافة
يا أحْلَى الطَيبِين
مين اللي فَجَر
كل أمواج السنين
غير قلبك الطيب
يا أحلى الطيبين
شفت موتك قد إيه…
كله حياة…
من عيلين
جالسين أمام الجثة
رافعين الإيدين
بيدعوا للإله
شفايفهم النونو
بتقول كلمتين
أطهر دُعَا
ما سمعتهوش
لكنه طالع للسما
كان نفسي أسمعهم
وأسمع قلبهم
بيقولك ايه
أنا كنت حاسس
إنك انتي أمهم
اللي ليها ميت ولد
شربوا حنانها كلهم
عاشت بتروي حبهم
من قلبها
أخدوني من دنيا البشر
لدنيا تانيه
كان نفسي أعرف طعمها
أو حرفها
أو اسمها
غير إنها
دنيتهم الطاهرة
دنيا البراءة
اللي كان نفسي
أعيش على أرضها
مختارة من صفحة د.أمين رمضان
