من القلب للقلب ..الحضن

بقلم / أمل الوكيل

تقريبا الحضن هو الحاجة البشرية الوحيدة اللي مينفعش تتزيف…؛؛

ممكن حد يسلم عليك من غير ما يكون بيحبك ممكن، يضحك في وشك احتمال،

يهزر معاك ينفع، بس يحضنك حضن يحسسك إنه بيحبك أهو ده اللي مستحيل،
الموضوع زي ما يكون الحضن ده عامل زي البصمة بس مش بصمة أصابع،
دي بصمة روح، والبصمة مش بتتزيف أبدا ولا ينفع نتحايل عليها.

في لحظات قليلة في الدنيا دي تستاهل إننا نتحمل علشانها كل القرف اللي عايشينه،
من أهم الحاجات دي إنك يكون عندك ولو شخص واحد ، واحد بس ينفع تروح ترمي وجعك في حضنه وترجع مطمن..”