من القلب للقلب…الدين المعنوى.

بقلم / أمل الوكيل

هل سمعت يوما عن الدين المعنوى؟؟؟؟

كنت بسآل ،،،،،،، لو سمحت ،،،، من فضلك ،،،،،
ممكن تقولى الاقى فين شباك سداد الدين المعنوى ؟

عشت عمري وأنا فاكره إن الدين هو دين مادي فقط، لحد ما فوجئت “بالدين المعنوي”.

فافتكرت انى كنت من كام شهر في جنازة شخص، وسمعت الشيخ بيقول جملة غريبة أوي “يا جماعة لو الراجل دة عليه (دين معنوي) ياريت تسامحوه فيه”!
الحقيقة الكلمه هزتنى من جوايا ،،،،
سألت نفسى يعني إيه دَيْن معنوي؟
فعرفت.
يعني ما تظلمش حد وتيجي عليه عشان ده دَيْن معنوي.
يعني متنيّمش حد زعلان منك لأنك ممكن تموت ويبقى ده دين معنوي.
يعني ما تشتمش وما تجرحش وماتذلش وما تهينش عشان دي ديون معنوية.
يعني ما تكسرش بخاطر حد عشان ده دين معنوي.
يعنى ماتوعدش حد وتعشمه بشئ وتخلف وعدك .
يعنى ماتغتابش حد وتغدر بية الغدر ظلم وظلمات الى يوم القيامه.
يعنى ماتتكبرش وتتعالى وتفتخر بال عندك ومهوش عند غيرك وتعايرة بحرمانه من الشى دة ..
أول مرّة أحس إن الدّيْن المعنوي أصعب وأخطر ١٠٠ مرّة من الدين المادي.

الدّيْن المادي سهل إن الورثة يسددوه عن المتوفي، لكن الدين المعنوي مين يسدده؟؟
وإيه أصلا ثمن السداد؟؟

ثمن السداد بشيك مدفوع فورا لحامله وموقع باسمك و مكتوب عليه ،،،، جبر الخواطر .

جبر الخواطر ع الله ياجماعه
ده انت بتاخد ثواب لما بتجبر بخاطر حد حتى لو قطه ،،،،

مينفعش حد يقولك وحشتني وترد بكل برود تقوله لاء
انت مش عارف كلمه لاء دي عملت فيه ايه دي كسرت خاطره بس هو خدها بهزار عشان يعدي اللحظه من غير مايحسسك انه اضايق

مينفعش حد يكلمك يقولك محتاجلك وانت بكل برود تقوله طب هنام دلوقت ولما اصحي هكلمك صدقني عمره ماهيحتاجك تاني

مينفعش حد يقولك خليك معايا شويه عشان خاطري وانت تقوله مش فاضي

مينفعش حد يقولك نفسي اشوفك وانت تقوله لا مش هينفع اصلي متبهدل اصلي هلكان اصلي مخنوق اصلي شكلي وحش
انت متعرفش هو لما يشوف صورتك هيقولك ايه مايمكن يرفع من روحك المعنويه

مينفعش لما تلاقي حد شكله مرهق او فيه حاجه ع غير عادته تقوله امشي من قدامي شكلك وحش مش عايز اشوفك
انت عارف كلامك دا عمل فيه ايه!!!!

بطلوا تكسروا بخاطر بعض
عندك كلمه حلوه او تقدر تعمل حاجه تفرح الشخص اللي قدامك متترددش لكن لو كلامك هيأذي اللي قدامك الاحسن اكتمه يا جماعه دين الخاطر والقلوب أخطر وأكبر عند رب القلوب
خلّي بالك منه لأنك الوحيد المسؤول عنه ومتعلّق برقبتك وما حدّش حيسدده عنك……
يا بخت من سدّد دينه أول بأول.

القوه لا تعنى الشده ولكن تعنى مامدى قدرتك على إصلاح المكسور ،،،،،،
فما بالك ،،،،بنفس مكسوره ،
فمن سار مع العباد جابرا للخواطر ،،،،، أدركه رب العباد فى جوف المخاطر ،،،،،،

اذكركم فأن الذكرى تنفع المؤمنين .
قال رسول الله صلى الله عليه وسلم ……
فاعلموا فأن لكسر نفس مؤمنا …عند الله …اشد من كسر الكعبه .
صدق رسول الله صلى الله عليه وسلم تسليما كثيرا .
افيقوا لعلكم تفلحون .