كبرت من غير ما احس..
كتبت / أ.د.نادية حجازي نعمان
كبرت من غير ما احس بيا
حاولت أعبر ع اللي جوايا
مش طالع م الألم و الوحدة
صابني الصمت ف الشدة
قلت أقرا يمكن غيري يكتبها
لاقيته قالها ..كتبها و يتقنها قدر
! يجيبها منين و يلعبها
أقروا معايا كتب إيه و بعتها
طلع كل اللي جوايا و نعتها
قال و نزل من عيني دمعتها
وفات العمر زي الريح
لقيتني كبرت على سهوة
لاقيتني عشقت شرب الشاي
بقيت مدمن كمان قهوة
لاقيتني بقيت بحب الصيف
واخاف من النسمة لاستهوى
لاقيت الشيب صبغ شعري
لاقيت كتفي بقى يطقطق
وبشكي من وجع ضهري
بقيت ساكت ومش بنطق
ومني خلاص نفد صبري
وخلقي ضاق بقيت بطهق
عرفت اني كبرت خلاص
لما ما فضلش جنبي ولا حد
بقيت نكدي أوي وحساس
على وشي يبان الجد
لاقيتني كمان زهدت الناس
ما أحب أعاتب حد
كبرت بقيت شبه جدي
بقيت ماأضحكش ع النكتة
بقيت بفضل كتير وحدي
وأيامي بقت باهتة
وولى العمر والدنيا
حواليا بقت ساكتة
انا عمري ما هوش سبعين ولاستين
ولا خمسين و لا عشرة
والعمر ما باحسبهوش بسنين
أنا بحسبها بالخبرة
بكام جرح وكام فرحة
وكام واحد خان العشرة
2021/1/6
احسنتي يا دكتوره. فعلا العمر بيسرق الواحد
احسنتي يا دكتوره. فعلا العمر بيسرق الواحد