هتطبخى إية النهاردة…طريقة عمل البرجر فى البيت
كتبت عزه السيد
هتطبخى إيه النهارده
تعالوا نعمل أكلة حلوه ولادنا بيحبوها وكمان لذيذة وهتعجبكم اوى هنعمل البرجر بس فى البيت علشان نكون ضامنين جودتة
طريقة عمل البرجر بالمنزل
المقادير:
كيلو لحم بقرى او ضانى (كيلو بانية فراخ للبرجر الفراخ)
ربع كيلو فول صويا مطحون ناعم جدا
بهارات(ملح وفلفل اسمر وبودره توم و (البابريكا للبرجر اللحم))
بصله مبشوره ناعم
معلقه بقسماط
فلفله رومى خضراء
الطريقه:
يتم فرم اللحمة جيداً فى المفرمة او (الهاند بلندر)
تبل اللحمه بالبصل والتوم والبهارات والفول الصويا والبابريكا وفلفل رومى ونفرمهم تانى مع بعض جيداً ونسيب اللحمة فى التلاجه ساعتين
نجهز غطاء برطمان يكون ونحط فيها كيس مقطع صغيره مفرود ونحط اللحمه ونفردها هتعمل قرص مدور نحط عليه كيس تانيه ونقلبها ونستمر لحد مانخلص كل الكميه
بعد كده نضع الكمية فى علبة كبيرة بلاستيك ندخله الفريزر
ونطلع منه حسب الرغبة مع نقطة زيت فى الطاسه على نار متوسطة ويقلب لتمام النضج وبألف هنا
