.. ولسه حب الوطن فرض عليا

كلاب تنبح فى البيوت والشوارع وقطط لاتكف عن الصراع والصراخ .. وموتوسيكلات يقودها صبية لاينقطع صوتها وسيارات حولها المراهقين الى مسارح باجهزة صوت عالية .. وباعة جائلين استباحوا الشوارع والميادين لم يكتفوا باصواتهم واصوات حميرهم وحملوا ميكرفونات تالفة تزن وتطن وتوشوش وتنهش جماجمنا واطفال ..اختاروا الابواب الصاج للمحلات والمخازن لتكون مرماهم فى لعب الكرة وهات يارزع .

اى وطن هذا !؟ اى مؤسسات تلك !؟ واى قانون يحكم هذا الشعب الفوضوى الذى ضاعت فيه الاصول وتشوه فيه المنطق فتبدل فيه الامان والسلام بالفوضى .. كيف لبشر ان يحيا فى هذه الظروف ..

واين الدليل على انه مجتمع منظم ؟! طالما ان السلطة فيه سلطة طحينة وليست سلطة نظام .. هو كتير ياخلق هووووه فى البلد دى ان الواحد ينام .. فاضل ايه بعد كده !؟