كلام ستات وشوية تكات.

كتبت / عزه السيد

اسمعى الكلمتين دول مهمين ليكى اوى

.زودي ملح وسكر على بصل السلطه عشان يضيع اى ريحه فى الفم بعد الاكل

.زودى على المعجنات زبادي او لبن بودره هيخليها هشه زى القطن

.لو عايزه تبشري اى نوع جبنه ادهني المبشره شويه زيت هيسهل ليكي البشر بطريقه سريعه جدا

.عشان تسرعي سوا اللحمه زودي نواه تمر مش هتأثر على الطعم نهائي وهتخلي اللحمه دايبه دوووب

.الرز يتشوح الاول فى زيت ورشه ملح وفى نص السوا شيلي الغطا وختي الزبده او السمنه بالمعلقه على وش الرز …هتلاقي ريحه ونتيجه روووعه فى الطعم

.رشه سكر على اى تسبيكه طماطم بتعادل حموضه الطماطم وتخليها خفيفه على القلب

.المعجنات لازم تدخل فرن سخن ومجرد ماترفع وتتنفخ يبقي قلبها استوا وتابعيها عشان متتحرقش

.لو الكوكيز او البسكوت بقي طري …سخني الفرن عشر دقايق واقفليه ودخلي الكوكيز عشر دقايق ينشف ويطلع مقرمش.