تعمل إيه بس يا إنسان

بقلم عزه السيد

تعمل إيه بس يا إنسان
لما تحس إنك غرقان
ف بحور كلها مليانه حيتان
وانت ياعينى سمكة ضعيفه
وكنوزك قرش وتعريفه
والباقين ملايين ملايين
بيكنزو علشان فاكرين
إن الدنيا دى يوم هتدوم
وانت ياعينى عليك ياحرام
دايما في ديونك غرقان
نفسك قشه تمسك فيها
بس القش مالهوش وجود
إرمى إنت حمولك يافقير
على رب الكون يلطف بيك
واتأكد إن الموجود
فى الدنيا دى ملوهش وجود
والخير اللى هتغرق فيه
ف جنات ربى مالهوش حدود
وتلاقى  برضه إنك محسود
م اللى أكل ف الدنيا دى حقك
نفسه ف قشة م اللى معاك
أصل كنوزه لاقاها هلاك
ودايما عينه ع اللى معاك