كلام ستات وشوية تكات
كتبت / عزه السيد
جربي تحطي اربع خمس معالق سميد وزايهم شربات علي حشوه الكنافه وهتنبهري بالنتيجه.
مياه الرز سخنيها جنبك. وشوحي الرز شويه
محشي البتنجان والكوسه قطعي فلفل اخضر واربع فصوص ثوم وضيفيهم للخلطه وشوفي الريحه والطعم .
ماتشتريش سميد بسبوسه جاهز هاتي السايب نتيجته أحلي
الفراخ المشويه سخني الصينيه الأول وشوحيها بالتدريج قبل ما تسويها. هتلاقيها طريه
لو عندك علبه او حاجه خدت ريحه من الأكل وما طلعتش بالغسيل. امليها مياه ومعلقتين خل وسيبيها هتغسليها مش هتلاقي ريحه
اغلي اللبن واعمليه بالكاكاو وسيبه يبرد وع التلاجه واشربيه ساقع ف الصيف احلي من الجاهز
الكفته صبعيها ورصيها ف طبق وع التلاجه نص ساعه. وسخني الصينيه وانزلي واحده واحده هتطلع حلوه معاكي
ملح الليمون والكربوناتو دا اختراااااع ف التنضيف
جربي الخلطه دي
لمسح الشقه و الحمام ريحته بتقبا تحفه وبينور وتنفع تغسلي الرخامه بتاعت المطبخ كمان وبتعقم وريحتها يتقلب زي الديتول
ربع كوب فنيك علي ربع كوب برسيل جيل وكملي مياه اربعه لتر خلي لونها خفيف لمسح الشقه مش هتعوز شطف خالص .
معلقتين زيت ع المكرونه بعد السلق وقلبيهم مش هتلزق معاكى خالص .
ماتسلقيش البتنجان كتير وزودي ليمون كتير عليه هيطلع احلي مخلل بتنجان معاكي
