كلام ستات وشوية تكات

كتبت/ عزه السيد

كلام مفيد جدا

لو لبس اطفالك مليان بقع حطي وأنتي بتغسليه 2معلقه ملح ليمون و2معلقه بيكربونات وهيبقي زي الفل

اهتمي بجمال مطبخك
لو الكبه أو الخلاط أو العجان مليان زيوت هاتي بخاخه فيها ميه وحطي فيها معلقتين كبار ملح ليمون وحطي علي فوطه مبلوله وسبيهم عشر دقايق وبعدين امسحي بليفه وهتبقيزي الفل

متنسيش كل اسبوع تنظفي التلاجه و تمسحيها بمايه و خل كويس و تتخلصي من اي حاجه ملهاش لازمه و هتبقى زي الفل

بانيو الحمام والحوض مجيرين
هقولك علي حل ياقمر هاتي ليفه وحطي شوية خل وكربونات حلوين وملح ليمون وشويه مسحوقواغسلي البانيو والحوض بيهم
اشطفيه هبيقي زي الفل

متنسيش بعد كل عشا تنضفي بتوجازك عشان متتراكمش عليه الدهون، ولو اتراكمت حطي خل وملح ليمون و مسحوق و في خمس دقايق بس هيبقى زي الفل

افتحي كل يوم الشبابيك عشان تجددي الاكسجين حتى لو الجو برد

لو ابواب الاوضه مش نضيفه حطي شوية مسحوق في بخاخه و ملعقة ملح ليمون ومعطر علشان الريحه و رشي و سيبيه شويه و امسحي بفوطه و هيبقى زي الفل