كلام ستات وشوية تكات
كتبت / عزه السيد
كلام مفيد جدا
اما تيجي تنضفي ابتدي بالمطبخ الاول
اوعي تشيلي المواعين من غير ما تصفيهم حطي فوطه علي الرخامه وصفيهم قبل ما ترصيهم في المطبخ
لو حاجه فارت علي البوتجاز والنار شغاله وحرقتها رشي عليها شوية زيت اكل مستخدماه سيبيه ٣ دقايق هينضف معاكي علي طول
لتنظيف سيراميك المطبخ جدران وارضيات يذاب قليل من الخل وقطرات ليمون في ماء دافي ويلمع السيراميك
لمطبخ رائحته جميله املي الحوض ماية وعليه شوية معطر وسديه بالسدادة
بعد ماتخلصي الاكل وغرفتي خلاص خدي كل المواعين والصواني والحلل وافتحي الميه يتنقعو علي ماتاكلو يكونو اتنقعو هتسهل عليكي غسلهم وتوفر وقتك
خلي عندك ديما عود بخور وانت بتغسلي الموعين شغليه هيدي ريحه حلوه للمكان
شغلي الراديو علي اذاعة القران الكريم في المطبخ هتكسبي ثواب سماع القرآن أو معلومه من برنامج وانتي بتغسلي الموعين وبتنظفي المطبخ
لو وقعتي زيت على الأرض متمسحهوش بفوطه رشي عليه ملح او دقيق وسيبيه ٣دقايق وبعدين اكنسيه بالمقشه والجاروف ولا هتلاقي أثر
طاسة القليه اغسليها دايما بعد ما تخلصي علي طول متسيبيش فيها الزيت عشان متكونش الطبقه السودا
ضيفي شوية خل وملح الليمون مع صابون المواعين بيزيل اصعب الدهون ويديها لمعان
احرصي علي تغيير ليفة المواعين كل فترة حتي لاتتكاثر عليها البكتيريا عند استعمالها لفترة
