كلام ستات وشوية تكات
كتبت / عزه السيد
كلام مفيد جدا
1_ لو لبس اطفالك مليان بقع حطي وانتي بتغسليه 2 معلقه ملح الليمون و 2 معلقه
بيكربونات وهيبقي فل الفل
2_ اهتمي بجمال مطبخك لو الكبه او الخلاط او العجان مليان زيوت هاتي بخاخه فيها ميه وحطي فيها معلقيتن كبار ملح الليمون وحطي علي فوطه مبلوله و سبيهم 10 دقائق وبعدين امسحي بليفه وهتبقي شمعه منوره
3_ متنسيش كل اسبوع تنظفي التلاجه من اي حاجه ملهاش لازمه وتحطي فحمايه في طبق علشان تسحب الروايح
4_ بانيو الحمام والحوض مجيرين هقولك علي حل يا قلبي هاتي فوطه قديمه وحطي شويه خل وكربوناتو حلوين وامسحي الحوض و البانيو بيهم و شوفي اللمعان هيبقي عسل بس اشطفيه كويس
5_ متنسيش بعد كل عشا تنظفي بوتجازك علشان متتراكمش عليه الدهون وبيبقي مش حلو ولو اتراكمت حطي خل و بي كربوناتو وسبيه 5 دقائق وهتشوفي النصافه
7_ افتحي كل الشبابيك كل يومين جددي الاكسجين حتى لو الجو برد
8_ لو ابنك مغلبك في المذاكره بلاش اسلوب الضرب ابعدي عنو خالص انتي ام يعني الحنيه كلها فيكي و خديه براحه وهيفهم
9_ لو أبواب الاوض مش نظيفه حطي معلقه اريال في بخاخه و معلقه ملح ليمون و معلقه معطر علشان الريحه ورشي وسبيه شويه وامسحي بفوطه هيبقي عسل عسل .
