كلام ستات وشوية تكات
كتبت / عزه السيد
كلام مفيد جدا اسمعيه
اما تعملي رز بالشعرية كتري الشعرية حتوفر معاكي والطعم احلى
* اما تجيبي فراخ ما تعملهاش كاملة قسميها الدبابيس اكلة و الفخاد اكلة والاجنحةو الزوراكلة و الصدور اعمليها بانيه او شيش طاووق او شاورما والهياكل اعمليها شوربة والكبد والاوانص اكلة وتبليهم وشليهم في الفريزر كدة اوفر وبتعملي أصناف جديدة
* هاتي كمية لحمة مفرومة اعملي منها عصاج و كفتة و برجر حتوفر معاكي وتعمل اكلات كتير
* اما تعملي محشي هاتي كمية بصل و طماطم و خضرة وافرميهم في الكبة وقسميهم في كياس او علب وشيلهم في الفريزر حيسهل عليكي عمل المحشي ويوفرلك
* قطعي كمية من الفلفل و البصل والطماطم اما تكون اسعارهم رخيصة وقسميهم في أكياس و طلعيهم في الطبخة حيوفر وقت ومجهود
* اعملي كمية من عجينة البيتزا وقسميها وشيليها في الفريزر وبعدين تطلعيها تفك ممكن تعمليها حاجات كتير بيتزا عيش بالحمة باتيه كرواسون حتوفرلك في الوقت والمجهود
* اما تعملي بشاميل حطي نص المقدار لبن و نصه مية او شوربة حطي حتة جبنة كيري سايبة او جبنة مثلثات حتوفر معاكي و طعمها حيبقى احلى
* لو عندك شوية لحمة مفرومة صغيرين او شوية #عصاج وعايزهم يبقو كتير حطي مع البصل فلفل و طماطم و زيتون اوفر واحلى من العصاج العادي
