كلام ستات وشوية تكات

كتبت / عزه السيد

كلام في المفيد

نصائح مفيدة لست البيت

ممكن حبيبتى تقوليلي لو جالك ضيوف علي غفله هتتصرفي ازاي؟؟؟

اقولك انا

خلي عندك ربع لوبيه مسلوق في الفريزر وطبعا مسلوق فقط
وانا علي طوال بشيل الصلصه متسبكه اروح فاتحه علبه اللوبيا وعليها علبه الصلصه
وشويه شوربه والارز مش بياخد ثواني
مع الي ربنا يقدرك عليه من بروتين
لو بسله شيلها مع جزرها
ولو سبانخ مع خضرتها
يعني كل حاجه ومعاها حاجتها تمام يا ست الستات
وبكده مفيش مشكله ابدااا

انا بفرز الخضار اسبوع باسبوع ونادراا لو الخضار قعد اسبوعين ومش مع تفريز الحاجه من الموسم للموسم نهائي ليه متكليش الحاجه صابحه وبتاعه وقتها

انا بستغرب علي الناس الي عامله الفريزر دولاب تخزين حتي قشر البرتقان بيخزنوه ليه يعني هي الفانليا بكام؟

نفتكركده زمان كان حجم التلاجه صغير كانت للضروريات فقط وكانت الناس صحتها احسن شيلي ياقمر بس بمقدار مش كل حاجه وكل الوقت

في كمان حاجه مش لطيفه بالمرة
لما يكون بيت فيه اطفال ونستني كل يوم لما بابا يجي ويجيب العشا واللبن
حضرتك ياست الستات في كل الاحوال هجيبي جبنه وعيش ليه لازم تستني لما يبقي مفيش ولا لقمه وعلبه الجبنه فاضيه متقوليش بحب الصابح ده كان زمان
لان الثلاجات وافران التسخين بانواعها الكهربائي والميكرويف بقت موجوده في كل بيت ثواني العيش من الفريزر كانك لسه جايبه وهاتي كيلو ولا نص ولا علبه جبنه زياده انتي محتاجه تجبيها مره واحده استبن وخلاص

طبعا لايكلف الله نفسا الاوسعها

وفي ستات بتاخد مصروف قليل مش بتحب تغامر وتصرفه ربما يحصل اي ظرف
وكمان في ستات بتاخد مصروفها باليوم او بالاسبوع
ايا كانت الطريقه المهم تتصرفي بحكمه في الفلوس ديه

ليه ميكنش عندك حاجه عشا او فطار بزياده
ديه ابسط حاجه حتي لو عينات مش علبتين جبنه ولا عشرين بيضه
بس شيء يقضي الغرض
لو حد جيه مش في ميعاده حد جاع يا ستي لازم تكوني جاهزة

انا هقولكم طريقتي انا بعمل بحث في دماغي واقسمه بنود لكل طلبات البيت يعني ايه
يعني نشويات ارز مكرونه لسان عصفور شعريه

بقول عدس اصفر فول تدميس فول مدشوش حاجه الكشري عدس بجبه وحمص

بقاله زيت سكر ارز …

تلاجه حبنه بيض لبن ….

مكيفات شاي نسكافيه ….

عطاره كمون ينسون …

خلاص بفضل الله ونعمته مش محتاجه اجيب ورقه ولا حاجه برص الرصه في دماغي واكتب الورقه