طريقة سهلة وبسيطه للدايت أثناء شغلك أو يومك الدراسي
كتبت ياسمين يحيى
ناس كتير جالها إكتئاب بسبب اليوم مش مظبوط عشان الشغل الجامعه و المدرسه وبوظت الدايت ومش عارفة تعمل إيه
من الآخر هنعمل دايت و هنخس و إحنا طول اليوم بره وهناكل أكل صحي وهتغير جسمنا وشكلنا وهنبقي احسن
أولا : تفطري قبل ما تنزلي أو تجيبي لانش بوكس و تحطي فيه سندوتش بنص رغيف عيش و تفاحه أو أى فاكهه
ممكن تاخدى معاكى خيار أو جزر أو خس أو شوفان أو كورن فليكس أو بيض أو فول وممكن تجيبي علبة تونة علي كيس سلطة
ثانيا السناك اللي طبعا بتحتارو في وأنتو بره
الحاجات اللي ممكن تجيبوها من السوبر ماركت
– لبن رايب لايت
– زبادو لايت.
– عصير بيور
️- زبادي خالي الدسم
– زبادو بالشوفان
- كيلو تفاح كل يوم تفاح
_علبة زبادي لايت مع عسل ابيض
لو جوعتي تاني اشربي بقا شاي اخضر او عصير بيور
ثالثا بقا الغدا : لو بتروحي بعد الساعه ٧
يبقي مفيش نشويات هتاكلي البروتين مع سلطه و طبق خضار مثلا يعني مثلا صدور دجاج مع خضار او سلطة تونة بعيش بني
و العشا زي ما هو زبادي بالليمون و فاكهه
رابعا بقا الرياضه نظامها ايه
العبي قبل اما تنزلي من البيت تمارين نص ساعه مفيهاش حاجه لو صحيتى بدرى شويه
وانتي رايحه الشغل او المدرسه أو الجامعه او الدرس ممكن تتمشي نص ساعه و انتي راجعه نص ساعه
واهتمي بنفسك وصحتك و خلصي مذكرتك عادي و روحي شغلك عادي و عيشي حياتك
المهم ان الرياضة لازم تكون جزء من حياتك
