الشيخ شعيب
كلمات / الدكتور محمد الشافعي
100 مسا والف سلام
على اهل بلدى م الاغنياء والغلابه
فيه ناس كتير في بلدنا عايشين
ولا كانهم عايشين
يصحو ينامو ياكلو يشربو
مش حاسين
ان كانو بالنهار ولا متمسين
زى الدجالين
الناس النصابين
بيضحكو علينا
احنا الفلاحين
ويقولو غلابه سذج مساكين
مش بس الفلاحين
دا ياما دكاتاره ومهندسين
وضباط ومحاميين
الشيخ شعيب
قال ايه بيعرف علم الغيب
استغفر الله من كلامه العيب
طب لبلدنا ساعه عصريه
وكانت دخلته دخله بهيه
دقنه طويله
والسبح في صدره مدليه
وعلى كتافه عبايه مزهيه
والعمه خضراء وتحتيهاطاقيه
سأل ع على ابو عطيه
وكان واخد ليه زيارة خصوصيه
رز ولحمه وحلاوه طحينيه
يا أبو عطيه
أنا من اتباع الشيخه زكيه
الى مدفونه في الجهه القبليه
جاتلى فلى المنام وقالت
يا شيخ شعيب
عيب
انت من اتباع حضرتى
قوم يلا إحيي ذكرتى
ودلتنى على دار الكرم والإنسانيه
داركم يا على أبو عطيه
إيه كلتنا محاسيب الشيخه زكيه
سايب لك النضره الوسطانيه
لأجل تقابل أتباعك و مريدينك
كل صباح ومسيه
وإن كانت الاسياد تجيلك
على بالبخور والفسوخه الهندية
طلق شعيب البخور
الحضرة يوماتى ليلاتى تدور
والبيت بقت هرسة يا جدعان
إشى رجالة و إشى نسوان
دى مابتخلفش
ودا عاوز يفتح الفنجان
ودا ضاعت محفظته
ودى بدها عريس شبعان
والى ربنا من المال يدية
ويبارك في ضناه ويخليه
يقول ايوه
ده ولى ويبان عاليه الهيبه
بالزبيب هيا الشيبه
هيبه ايه بلا خيبه
ده نصاب
سرق كردان البت فله أبو كساب
الحقوه النصاب وهتوه
وأنا حكشف الأعيبه
وألعن لكم إلى جابوه
أنتم لسه ماتحركتوش
تكنوش لكلامى ما صدقتوش
أنا سبق كدبي عليكم
أنا خدامكم وبين ايديكم
لا مانقصدكش
بس ده سيدنا شعيب
طيب اسمعو حكايه سيدكو النصاب
إلى كان مفروض يسموه الشيخ هباب
كل الحكايه او القضيه
أنا لا مؤاخذه يا أفنديه
كت باانقل باالمطيه
من دارى
لغيت الزراعيه
وكانت الشمس نجاحه
وانا نفسى فى حبه راحه
ما صدقت لقيت ضله
في بيت البت فله
قلت يا واد خد لك تعسيله
والنهار كبير وسعاته طويله
ما صحيت غير على دق الباب
وصوت بت ابو كساب
مين سيدنا شعيب
ازيك يا بت يا فله
شا الله تسلم
يسلم حسك
جوزك هنا يا فله
نزل البندر
مع الجديده يتغندر
يوه يا سيدنا
ما هو لسه عريس
ضرورى تكدنا
رابع واحدة ولسه عريس
دوله ثلاثه خفر مناحيس
وانت اجملهم يا لميس
حظ مناحيس
والى يسيبه الثلاثه
ويطلقهم بالتلاته
ويجرى وراكى بالمشوار
وفله على لسانه ليل ونهار
فله على لسانه ليل ونهار !؟
له عنيا
لا مش عينيكى
الكردان الى في صدرك
والخلخال الى في رجليكى
لجل ما ينفتح الكنز
كنز !!؟؟
ايوه يابت الكنز
كنز السعاده والمحبة
ما هو ما ينفتح غبر باالدهب والفضة
يا حلوه يا بطة
وفين يا سيدنا الكنز
الكنز يا بت هناك
في بير مهجور
مقلوب تحت ماجور
كلب دهب مسعور
انسخط سار مسحور
في كل عين الماظه
في بقه جوه جزازه
فيها ميه محبه
تحطى لجوزك حبه
بالشبه تبخريه
تحميه وتنوميه
هيصحى يحلف طلقات
على التلات مروات
ويقول يا فله يا ست الدار
وياكى ليل ونهار
وتعيشو كرام عزاز
بالدهب والالماظ
خد يا سيدنا
ادى الخلخال وادى الكردان
وخدهم سيدنا وراح هربان
وجيت اقولكم
برضك مش مصدقين
على العموم
أنا عملت الى عليا
ورضيت ضميرى
وبكره الايام هتحدد مصيرى
انما اما يسرق بقيت دهبكم ومواشيكم
ابقوا فتكرو ان الى جه يبلغكم ويقول ليكم
اسمه
محمد الشافعى
الدكتور محمد الشافعي
استشاري العلاج الطبيعي
