ماما عارفة كل حاجة..

كتبت عزه السيد

بصوت مرتفع يصرخ الزوج … فين الشراب الاسود؟!
ترد الزوجة بسرعه..في الدرج اليمين ..وقبل ان يفتح الدرج ..فين في الدرج يا هانم
قصة قصيرة حقيقية تحدث كل يوم وفي كل بيت تقريبا ويا ريت علي الشراب بس لا ولكن الزوج يسال الزوجة علي كل شيء يخصه .. كأن زوجته تعرف القرد مخبي ابنه فين ..والحقيقه هي كذلك فعلا…..
فين غطا القلم؟ وقع منك تحت المكتب ..فين البنطالون البني؟ داب من سنتين وانت رميته يا قلبي ،،.. فين ورقة الملاحظات اللي كانت هنا؟ مكانها إلبس النظارة وإنت تشوفها … وفين النظارة ؟ علي راسك يا حبيبي حتي الاولاد زي ابوهم بالظبط .. متأكدين ان عند ماما الخبر اليقين … فين كتاب النصوص يا ماما؟ عند صحبتك حنين يا فالحه … ماما فين التي شرت الابيض الجديد؟ في الدولاب اول رف علي الشمال اخر حاجه علي اليمين … ماما امتحان الرياضيات امته؟ يوم التلات وعندك مذاكره كتير !!

ولو تغير الموضوع وفكرة الزوجة ان تسال زوجها او اولادها علي شيء … تكون الاجابه مش عارف …مش فاكر … مش متأكد …دوري انتي انا مخي دفتر امال انتي لزمتك هنا ايه …… الي اخر لستة الجمل الداله علي الإتكالية وتكبير الدماغ …
وماما عارفه كل حاجه…. والبيت من غير ماما زي الطريق من غير اشارة