أراء وقراءات
آهين وآه يا جواز
آهين وآه يا جواز
خليت حياتنا إزاز
جراحه في إيدينا
ودموعه في عينينا
وقلوبنا من ناره
دايبه حوالينا
أصنام ورا أصنام
منصوبة في الزفة
وجبال من الأوهام
جوانا تدَّفا
والأهل فرحانه
بقطيعه جوانا
وبحار من الحيرة
أمواجها سعرانة
شواطئها مجهولة
زي امنا الغولة
تاكل في عشاقها
وتحلي بالمجاذيب
لا دموع ترجعها
ولا آهة تردعها
مهما عليت يا نحيب
سكرانة في جنونها
بتقول عليه فنونها
وسلام عليك يا حبيب
