رأى المواطن
قبل ما تودَّع لعامَك
قبل ما تودَّع لعامَك
أو تقوله خلاص سلام
أو تحلِّى حروف كلامك
لجل يبقى أحلى الكلام
خُدْ نصيحة خالصة منِّى
خلِّى قلبَك ده محنِّى
والمشاعر مش تمنِّى
وظلم كل الناس حرام
ودع العام اللى فات
وافتكر فيه ذكريات
فيه جواز أو فيه ممات
فيه محبَّة وفيه غرام
والحياة زى الرحاية
دايرة حايرة بالحكاية
فيه نهاية للبداية
فيه دموع ويَّا ابتسام
ارسم اللوحة بإيدَك
كون وساير حكم سيدَك
واللى ح تريدُه يريدَك
بس من غير الخصام
مختارة من صفحة شاعر الوطن
الشحات النقيدي
