حلم السحاب

كتبت : أ.د.نادية حجازى نعمان

الهوا فوق السحاب نقي وماتلوثشي
جيراني مش ملايكة ولا جن ولا ناس بتمشي
دول حاجة تانية ماتتوصفشي
فى قاموس المعانى اسمهم مايتفسرشي
أوصفهم يمكن تعرفوهم ..أنا ماأعرفشي
أنا بأفكر فى حاجة واحدة ..هل ماأرجعشي
وألا أرجع وأستحمل كله ماأنطقشي
بس دى مش حياة …وكده ماأقبلشي
لو السحاب يشيلني على طول ..أنا ماأنزلشي
بس هوه على الحال الواحد ماأتعودشي
وممكن يختفى ومايعودشي
وممكن حاجات كتيرة …ماتتقالشي
مش ممكن يفضل سحاب مابيمطرشي
حيمطر… وتبقى المشكلة مااتحلتشي
بس الوضع فوق.. محتمل لسه مااتأزمشي
والأمل حواليا كبير بيبتسم مابيكشرشي