وزير التعليم :إحنا بنعمل عملية ومحتاجين نركز عشان العيان مايمتش”.

كتبت /عزه السيد

قال الدكتور طارق شوقي، وزير التربية والتعليم، في مداخلة هاتفية لبرنامج “انفراد” مع سعيد حساسين عبر فضائية “الرافدين+”، أنه لم يقلق بعد سقوط سيستم الامتحانات، “نحن نجري عملية قيصرية ومحتاجين نركز عشان العيان ميمتش”.
وأضاف :إنه لن يعرض طلاب الثانوية العامة لإمتحانات سيحصل من خلالها على درجات إلا بعد إعتماد النظام والتأكد من جاهزيته بنسبة 100%.

وتابع: “لو كل الناس في الطيارة منزعجة الطيار لا ينزعج، إحنا عارفين هنوصل لايه وكل يوم هنطلع نقول للجمهور حصل ايه النهاردة وايه اشتغل وايه مشتغلش”.

وأوضح إنه أصدر قراراً بإغلاق الدخول لموقع الامتحانات من خارج مصر أو لكل طلاب الثانوية العامة من الداخل المصري باستثناء طلاب الصف الأول الثانوي.

وأضاف “شوقي”أن مشكلة سقوط سيستم الامتحانات انتهينا من حلها وفور إصلاح العطل دخل 50 ألف طالب ثابروا معنا وانتظروا حتى إتمام دخولهم.

وأكد  الوزير أنه خلال الساعات المقبلة سيتم الكشف عن أسباب محاولة 4.7 مليون شخص الدخول على موقع الامتحانات رغم أن عدد الطلاب لا يتجاوز 650 ألف طالب، متابعا: “سنعرف وسنحدد وقتها هل هي توتر زائد أم محاولات لإسقاط المنظومة؟”.

وواصل: “لو عايزين مواقع الإخوان تشمت فينا متصنعوش حالة من لا شيء، إحنا متفقين ده مش عليه درجات نسيبه ونصحى بكرة الصبح نجرب اشتغل كان بها مشتغلش فيه حل رقم 2، الإسراع في سن السكاكين هدف ناس آخرين غيركم”.