ولسه في أمل ، مش بتخلى بلدنا من الشباب الجميل الواعد المحب المعطاء،مثال محترم يجب أن يحتذى به الكثيرين.
الشاب الجميل دا كنت معدى على موقف ميكروباص السلام من كام يوم، لقيت عنده زحمة مع انه عامل نصبة عادية فى الشارع دخلت عنده لقيت حاجة غريبة جدا، أول مرة اشوفها فى مصر، يديك الرغيف فاضى وقدامك اطباق كل طبق مليان اما طعمية او بطاطس او باذنجان او سلطة …الخ، وكلها سخنة ولسه خارجة من الطاسة قدامك.
ولسه في أمل
المهم، تاخد انت الرغيف وتدفع 3 جنية بس وتحط فيه ال تقدر عليه يعنى مثلا :-
رغيف فيه قرص او 5 أقراص طعمية عادى برضوا ب 3 جنية.
تزود بطاطس برضوا نفس السعر والباذنجا برضوا من غير زيادة فى السعر.
تحط فيه ال يعجبك
عاوز بطاطس ياخد، عاوز شبسى ياخد ،عاوز سلطة ياخد، ياخد حبة فى الرغيف وحبة فى ايدة وما يدفعش حاجة.فكرنى ب عادل أمام فى مسرحية الزعيم.
محمود كدا لغى حاجات كتير مثلا، زود بطاطس يا حج طيب اتوصى طيب بلاش باذنجان زود طعمية.
الفكرة حلوه وجديدة.
سالت محمود سؤال وكان ردة أغرب من السؤال.!
:-انت مش كدا ممكن تخسر والناس هتاكل بزيادة.
رد قال : محدش بياكل ازيد من حاجتة ثانيا كل ال بيشترى منى عمال وناس مسافره الإقليم وغلابة لو كل زيادة اهو بثوابه.
لازم نشجع وندعم تلك النماذج الرائعه.
اقرأ ايضا
