من القلب للقلب

بقلم امل الوكيل

قيمة الاشياء عند الناس بتتغير حسب أولوياتهم وأحتياجاتهم .. في الوقت اللي ألف جنيه لا يعنوا ليك أي شيء، خمسة جنيه بتعني لشخص تاني كل شيء، بيأكل بيها ولاده. في الوقت اللي انت شايف فيه انفصال شخصين عادي وقصة متكررة، في طرف تاني قلبه محروق، روحه مسروقة، بتعيط وتصرخ وتستنجد كأنها بتتحرق مش متخيله ان الشخص ده هيتخلى عنها.

في الوقت اللي ممكن حدينزل من بيته الساعة 3 بعد نص الليل ف ليله ممطرة والكهربا فاصلة ويروح يتجول في أي مكان مقطوع مهما كان شكله مرعب، في رجاله بتخاف تروح الحمام ف بيتها بليل.

الخلاصة : الأديب العالمي جوزية ساراماغو، قال : ”أرجو أن تعذُرني لو أن ما يبدو لك تافهًا، هو كلُ شيء بالنسبة لي”. ومن هنا لازم تفهم ان مقاييس الامور بتختلف حسب الاشخاص وظروفهم واعتقاداتهم .. ف متقللش من وجع حد، متتريقش ع ضعف حد، متقولش فلان تافه عشان جايز قوي اللي انت شايفه تافه ده يكون عظيم في عين شخص تاني.