من القلب للقلب…إهتمام – إحتواء – حنان

بقلم : أمل الوكيل

كل يوم بيعدي في عمرى بكتشف ان اكتر حاجات محتاجها الانسان ” الإهتمام والإحتواء والحنان ” .. محتاج جدا وجود الناس الحنينه في حياته ، الناس اللي قادرين بالكلمه الطيبه والنظره اللي فيها حب يغيروا من حالته النفسيه السيئه ..

الناس اللي بتعرف تحتوى وتحس وتداوى وتطبطب وتخفف علينا الوجع ، اللي بتبذل كل جهدها عشان تشوفنا فرحانين ومرتاحين .. اللي وجعنا بيوجعهم وفرحتنا بتفرحهم ومشاكلنا بيحسوا انها مشاكلهم ، الناس اللي حاملين همنا وبتهتم بالتفاصيل الصغيره اللي في حياتنا ، بتهتم ايه بيفرحنا ويعملوه وايه بيزعلنا ويبعدوه عنا ، اللي يفهمونا من نظرة العين وبيسمعوا اللي جوانا من غير ما نتكلم ..