الفن والثقافة
إصحى وفوق
كلمات /عزه السيد
لما تحس إنك مظلوم
لما يكون حقك مهضوم
لما الدنيا بحالها تصفف
على وشك وتكون مهموم
لما صحابك يبقو سراب
واللى تشوفو دهب ده تراب
ده لمصلحته وده بيتحبب
يمكن منه في مرة تقرب
وياخد منك كل ماليك
ولا عمره في مرة هيديك
اصل الناس دية انواع
منهم شاري وكتير بياع
ولا البسمة ياعيني عليها
تصبح وهم ومش ملاقيها
لازم تبني جدار محكوم
حوالين نفسك واصحا وفوق
كلم نفسك شوف جرا ايه
انت غلطت ياعيني في ايه
يمكن تلقى جواب معقول
يمكن تلقى جواب معقول
